Mumbai News: दिवंगत अजित पवार यांच्यानंतर आता उपमुख्यमंत्री सुनेत्रा पवार यांच्याकडे पुणे आणि बीडच्या पालकमंत्री पदाची धुरा सोपविण्यात आली आहे. सामान्य प्रशासन विभागाने मंगळवारी (ता. ३) याबाबतचा आदेश जारी केला. .अजित पवार यांच्या अपघाती मृत्यूनंतर सुनेत्रा पवार यांनी उपमुख्यमंत्री पदाची शपथ घेतली. त्यानंतर अजित पवार यांच्याकडे असलेले पुणे आणि बीडचे पालकमंत्री पद कोणाकडे जाणार याबाबत तर्क-वितर्क लढविले जात होते..DCM Sunetra Pawar: उपमुख्यमंत्री सुनेत्रा पवारच राष्ट्रवादीच्या अध्यक्ष; बीड आणि पुण्याच्या पालकमंत्रीपदाचीही जबाबदारी .माजी मंत्री धनंजय मुंडे हे संतोष देशमुख खून प्रकरणात अडचणीत आल्यानंतर त्यांचा राजीनामा घेण्यात आला होता. बीडमध्ये जंगलराज असल्याचे आरोप करण्यात आले होते. तेथे वाल्मीक कराड टोळीने उच्छाद मांडला होता..या पार्श्वभूमीवर कडक शिस्तीच्या अजित पवार यांनी पालकमंत्री पदाची सूत्रे हातात घेतल्यानंतर साफसफाई सुरू केली होती. धनंजय मुंडे यांच्या अनेक स्वारस्याच्या गोष्टींना दुर्लक्षित करून पवार यांनी आपल्या खाक्याने काम करणे सुरू होते. त्यामुळे धनंजय मुंडे प्रचंड दुखावले होते. अजित पवार यांचा बीड दौरा असल्यानंतर ते त्यापासून अलीकडच्या काळामध्ये लांब राहत होते..DCM Sunetra Pawar: यशवंतरावांच्या समाधीस्थळी सुनेत्रा पवार नतमस्तक.पुण्याच्या पालकमंत्रिपदासाठी महाविकास आघाडी सरकारमध्ये रस्सीखेच होती. उच्च व तंत्र शिक्षणमंत्री चंद्रकांत पाटील या पदासाठी आग्रही होते. मात्र तेथील पालकमंत्रिपद हे अजित पवारांकडेच राहिले. सुनेत्रा पवार यांनी उपमुख्यमंत्रिपदाची शपथ घेतल्यानंतर त्यांच्याकडे उत्पादन शुल्क, क्रीडा व युवक कल्याण आणि अल्पसंख्यांक खाती देण्यात आली आहेत. अर्थ व नियोजन खाते मुख्यमंत्री देवेंद्र फडणवीस यांनी स्वतःकडे ठेवले आहे..बीडबाबतच्या चर्चांना पूर्णविरामधनंजय मुंडे मंत्रिमंडळाबाहेर असल्याने बीडचे पालकमंत्रिपद पंकजा मुंडे यांच्याकडे जाण्याबाबतच्या चर्चा सुरू झाल्या होत्या. मात्र आता त्यांना पूर्णविराम मिळाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
