Dharashiv News : मागील आठवड्यात झालेल्या पावसामुळे हजारो हेक्टरवरील पिकांचे नुकसान झाले आहे. त्यामुळे जिल्ह्यात ओला दुष्काळ जाहीर करून तातडीने आर्थिक मदत जाहीर करावी, अशी मागणी राष्ट्रवादी काँग्रेस शरदचंद्र पवार पक्षाचे जिल्हाध्यक्ष संजय पाटील दुधगावकर यांनी कृषिमंत्री दत्तात्रय भरणे यांच्याकडे केली आहे..याबाबत त्यांनी कृषिमंत्र्यांना दिलेल्या निवेदनात म्हटले आहे, की जिल्ह्यात कधी कोरडा तर कधी ओला दुष्काळ पडतो. दर तीन ते चार वर्षांनी जिल्ह्यामध्ये कमी पावसामुळे कोरडा दुष्काळ हमखास असतो. त्यातच या वर्षी जिल्ह्यात १३ मे ते १५ ऑगस्ट या कालावधीत जिल्ह्यातील कळंब, वाशी, धाराशिव, भूम व तुळजापूर तालुक्यांत जोरदार पाऊस झाला..Rain Crop Damage : लातूर जिल्हाधिकाऱ्यांकडून पूरग्रस्त गावांतील नुकसानीची पाहणी .या पावसाने नदी, नाले, ओढे तुडूंब वाहिल्यामुळे हजारो हेक्टर शेती व त्यावरील पिके, भाजीपाला, उसाचे नुकसान झाले आहे. शेतकऱ्याचे मुख्य पीक असणारे सोयाबीन डोळ्यांदेखत पाण्याखाली गेले आहे. त्यामुळे अगोदरच आर्थिक संकटात असलेला शेतकरी पार कोलमडून गेला आहे. .Rain Crop Damage: सांगली जिल्ह्यातील सात हजार एकरांवरील पिके पाण्यात.मांजरा, तेरणा, वाशीरा, सीना, तावरजा, भोगावती, बाणगंगा या नद्यांच्या काठावर असणारी शेते व तेथील पिके गेली तीन दिवस झाले पाण्यामध्ये आहेत. नदी, नाले, तळीसह हेक्टर जिल्ह्यामध्ये असणाऱ्या कोल्हापुरी बंधाऱ्याजवळील हजारो जमिनीवरचा दोन ते तीन फुटांचा थर पाण्याने खरडून वाहून गेला. पशुधनाचा चारा संपला..अजूनही एक महिना पावसाचा शिल्लक असून सरासरीपेक्षा जिल्ह्यात अधिक पाऊस झाल्याने शेतकऱ्यांचे पावसामुळे हजारो हेक्टरवरील पिकांचे नुकसान झाले आहे. धाराशिव जिल्ह्यातील शेतकऱ्यांना खऱ्या अर्थाने आता मदत मिळणे अत्यावश्यक असून, शासनाने पंचनामे आदी सोपस्कार न करता ओला दुष्काळ जाहीर करावा व तातडीने जिल्ह्यातील शेतकऱ्यांना सरसकट आर्थिक मदत करावी, मागील २०२४-२०२५ वर्षात जाहीर केलेली नुकसान भरपाई द्यावी, अशी मागणी श्री. दुधगावकर यांनी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
