Ahilyanagar News : बाजार समितीत येणाऱ्या शेतीमाल वाहनातून खाली-वर करण्यासाठी घेण्यात येणाऱ्या ‘वाराई’त वाढ करावी, अशी मागणी हलामांनी केली. त्यासाठी अंदोलनही झाले, मात्र सध्या हा विषय तात्पुरता स्थगित केल्याचे दिसत आहे. हमाली आणि तोलाई यात मात्र दर तीन वर्षांनुसार वाढ झाली आहे..बाजार समित्यात शेतकऱ्यांनी शेतीमाल विक्रीला हमाल हमाली व तोलाईबरोबरच वाराई म्हणून प्रति क्विंटल १ रुपया घेतात. आता त्यात वाढ करून ही रक्कम तीन रुपये करावी, अशी मागणी करत हमालांनी अहिल्यानगर, नेप्ती उपबाजार, घोडेगाव येथे बाजार समितीत काही दिवसांपूर्वी अंदोलन केले होते. .Malegaon APMC : मालेगाव बाजार समितीच्या सभापतींविरुद्ध अविश्वास प्रस्ताव.कामगार आयुक्तांनीही याबाबत पत्र देऊन प्रश्न सोडवावा, असे सांगितले होते. मात्र वाराई हा विषय बाजार समिती कायद्यात नाही. त्यामुळे बाजार समिती अथवा जिल्हा उपनिबंधक याबाबत आदेश देऊ शकत नाहीत, असे सांगितले जात आहे. वाराईची रक्कम वाहन चालकांकडून घेतली जाते. .वाहन चालक शेतकऱ्यांकडून वसूल करत असल्याचे सांगितले जात आहे. हा प्रश्न लगेच मार्गी लागू शकत नाही आणि शेतकऱ्यांचे यात नुकसान होऊ नये म्हणून काही दिवसांपूर्वी बैठक घेऊन जिल्हा बॅंकेचे अध्यक्ष शिवाजीराव कर्डिले यांनी वाराईबाबत तोडगा काढण्याचे अश्वासन देऊन हा विषय तात्पुरता स्थगित केला आहे. असे असले तरी वाराईचा प्रश्न सातत्याने चव्हाट्यावर येण्याची शक्यता दिसत आहे..हमाली आणि तोलाई याची महागाई निर्देशांकानुसार दरवाढ करण्याबाबत बाजार समितीच्या कायद्यात असून दर तीन वर्षांनी यात वाढ करण्याच्या नियमानुसार हमाली आता प्रति क्विंटल ९ रुपये व तोलाई प्रति क्विंटल ६ रुपये ६० पैसे केली आहे. अहिल्यानगर जिल्हा उपनिबंधकांनी याबाबत पत्र काढलेले आहे..Pune APMC: पुणे बाजार समिती गैरव्यवहार चौकशी समितीमधून वगळा.मोकळ्या कांद्याचा प्रश्न कायमश्रीरामपूर बाजार समितीत मोकळ्या कांद्यालाही हमाली आणि तोलाई द्यावी, अशी मागणी केली आहे. त्यामुळे गेल्या काही दिवसांपासून येथे मोकळ्या कांद्याचे लिलाव बंद आहेत. मोकळ्या कांद्याच्या लिलावात हमालांचे कोणतेही कष्ट वाया जात नाहीत. .त्यामुळे हमाली आणि तोलाई देण्याची मागणी बेकायदा असल्याचे सांगत शेतकरी संघटना, स्वंतत्र भारत पक्षाच्या कार्यकर्त्यांनी याबाबत दुय्यम निबंधकाकडे मोकल्या कांद्याचा लिलाव सुरू करण्याची मागणी केली. मात्र हा प्रश्न सुटला नसल्याने मोकळ्या कांद्याचे लिलाव बंदच आहेत. प्रशासनाने यात हस्तक्षेप करून प्रश्न निकाली काढावा, अशी मागणी शेतकरी संघटनेचे या भागातील नेते नीलेश शेडगे यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
