Jalgaon News: खानदेशात अलीकडे बारमाही केळी लागवड होऊ लागली आहे. अनेक शेतकरी कंद लागवड करून काटेकोर, योग्य व्यवस्थापन करून दर्जेदार उत्पादन घेत आहेत. रोपांवर खर्च कमी केला जात आहे. यामुळे कंदांना मागणी आहे. .मागील हंगामात ऐनवेळी आगाऊ नोंदणी करूनही उतिसंवर्धित केळी रोपांचा पुरवठा न केल्याने केळी लागवडीसाठी शेतकऱ्यांना कंदांचा उपयोग करावा लागला होता. त्यात चांगले उत्पादन शेतकऱ्यांनी घेतले. त्यातच दर्जेदार व हवे ते वाण किंवा कंद मिळत असल्याने लागवड सुरू आहे..Banana Cultivation: थंडी कमी झाल्याने केळी लागवडीस पुन्हा सुरुवात.अनेक शेतकऱ्यांचा कल केळी कंद लागवडीकडे आहे. परंतु लागवड कमी होत आहे. रोपांची मागणी कमी आहे. कारण केळी दर कमी आहेत. पीक परवडत नाही. यात मागील वेळेस रोपांचा पुरवठा आगाऊ पैसे व नोंदणी करूनही अनेक कंपन्यांनी केला नाही. यामुळे लागवडीसाठी कंदांचा उपयोग वाढला..मागील महिन्यातही केळी कंदांना मागणी होती. लागवड कमी झाल्याने कंदांचा तुटवडा नाही. अजूनही अशीच स्थिती आहे. काही लहान कंपन्या केळी रोपे देत आहेत. त्यांनाही मागणी कमी आहे. खोडवा व जुनारी केळी बागांमधील कंद हवे तसे अंकुरत नाहीत. यामुळे अशा बागांतील कंदांचा उपयोग शेतकरी टाळत आहेत. नवती बागांत कंद पुढे अधिकचे मिळतील. कारण त्यांची काढणी पूर्ण होईल. .Banana Cultivation: केळीच्या चांगल्या उत्पादनासाठी खत व्यवस्थापन का महत्त्वाचे?.कंद विक्रीसंबंधी आता मोठा व्यावसाय खानदेशात बनला आहे. पूर्वी शेतकरी आपल्या बागांमधील कंद मोफत द्यायचे, परंतु आता मोफत कंद अपवादानेच मिळतात. अनेक शेतकरी दोन ते तीन रुपया दर घेऊन कंद देत आहेत. गावोगावी कंद पुरवठादार, एजंटही कार्यरत आहेत. कंद काढण्याची मजुरी व इतर खर्चही लागतो..अन्य भागांतूनही कंद आणण्याची धडपडअनेक शेतकरी सातमासी, आंबेमोहोर, श्रीमंती, वसई, महालक्ष्मी आदी वाणांसाठी छत्रपती संभाजीनगरातील कन्नड, सोयगाव भागातही जात आहेत. तसेच नंदुरबारमधील तळोदा, शहादा या भागांतही कंदांसाठी शेतकरी जात आहेत. केळी लागवडीत यंदा मोठी वाढ झाली आहे. कांदेबाग केळीची लागवड डिसेंबरच्या सुरुवातीपर्यंत झाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
