Dharashiv News: उमरगा–लोहारा तालुक्यातील शेतकऱ्यांवर ऊसतोडीचा दुहेरी आर्थिक भार पडत असल्याने शेतकरी हतबल झाल्याचे चित्र आहे. एका बाजूने कारखान्यांकडून उसाचा हप्ता थकलेला आहे, तर दुसऱ्या बाजूला ऊसतोडीसाठी मजूर व काही साखर कारखान्यांच्या संबंधित व्यक्तींनी पाच हजार रुपये घेतल्याच्या तक्रारी शेतकऱ्यांकडून केल्या जात आहेत. .ऊसतोड पथकांनी वेळेत यावे, तोडणी वेगाने व्हावी यासाठी शेतकऱ्यांकडून सरळसरळ पैसे मागितले जात आहेत. हमीभावही जाहीर नाही, हप्ता मिळत नाही आणि आता ऊस तोडण्यासाठीही अधिकचे पैसे द्यावे लागत आहेत, मग आम्ही नफा कसा काढायचा, असा सवाल शेतकऱ्यांकडून उपस्थित केला जात आहे. साखर कारखान्यांनी अद्याप चालू हंगामासाठी ऊसाचा हमीभाव जाहीर केलेला नसल्याने शेतकरी संभ्रमात आहेत. .Sugarcane Season : ऊसतोडीसाठी पैशांची मागणी करणाऱ्यांविरोधात कारवाई.दरवर्षी हंगामाच्या सुरुवातीला हमीभाव जाहीर होतो; मात्र यावेळी विलंब झाल्याने शेतकऱ्यांचे नियोजन कोलमडले आहे. यामुळे शेतमालावर होणारा खर्च, मजुरी, वाहतूक अशा वाढत्या खर्चाच्या पार्श्वभूमीवर शेतकऱ्यांच्या चिंता वाढल्या आहेत. ऊसतोडणीतील गैरव्यवहार, अतिरिक्त वसुली तसेच बिलाचा थकीत हप्ता याबाबत कारवाई करण्याची मागणी केली जात आहे. सरकार व कारखान्यांनी तातडीने हस्तक्षेप करून हमीभाव जाहीर करावा, थकीत हप्ते अदा करावेत आणि ऊसतोडीतील अनियमितता रोखण्यासाठी कठोर पावले उचलावीत, अशी अपेक्षा व्यक्त होत आहे..Crop Insurance : विमा कंपनी प्रतिनिधीने पैशांची मागणी केल्यास शेतकऱ्यांनी तक्रार करावी .आमचा ऊस शेतात तयार आहे, पण तोडणीसाठी पैसे द्यावे लागत आहेत. ऊसतोड मजूर आणि कारखान्यातील काही कर्मचारी सरळसरळ पाच हजार रुपये द्या, मगच ऊस तोडू, अशी मागणी करत आहेत. हप्ता नाही, हमीभाव नाही, अशा परिस्थितीत शेतकऱ्यांनी काय करायचे. शेतीपेक्षा त्रासच जास्त होत आहे.- हनुमंत सांगवे, शेतकरी, नारंगवाडी.उसासाठी वर्षभर खर्च केला. मजुरी, खतांचे दर वाढले. आता ऊस तयार झाला तर मजूर व काही कर्मचाऱ्यांकडून पैशांसाठी अडवणूक होत आहे. सरकारने कारखान्यांना आवरायला हवे. शेतकरी काही एटीएम मशीन नाही की कोणीही येईल आणि पैसे काढून जाईल.- पांडुरंग सूर्यवंशी, शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
