Junnar News: अतिवृष्टीमुळे तालुक्यातील ८० टक्के बागांना या हंगामात घडनिर्मिती न झाल्यामुळे येथील द्राक्ष उत्पादक शेतकरी आर्थिक अडचणीत सापडले आहेत. यास्तव पुणे जिल्हा मध्यवर्ती बँकेच्या वतीने सहकारी सोसायट्यांमार्फत घेतलेल्या सुमारे ३६ कोटी रुपयांच्या पीक कर्ज व दीर्घ मुदतीच्या कर्जाच्या परतफेडीस मुदतवाढ द्यावी, अशी मागणी या शेतकऱ्यांनी राज्य सरकारकडे केली आहे..द्राक्ष उत्पादकांना दिलासा देण्यासाठी शासनाने दीर्घ मुदतीच्या कर्जावरील व्याज माफ करावे. पीक कर्ज मार्चअखेर वसूल न करता एक वर्षाची मुदत वाढ मिळावी. नवीन द्राक्षबागा उभारणीसाठी पॅकेज जाहीर करावे, अशा मागण्या जुन्नर तालुक्यातील द्राक्ष उत्पादकांनी उपमुख्यमंत्री अजित पवार यांच्याकडे केल्या आहेत..Farmer Debt Issue: रासायनिक निविष्ठांमुळे शेतकरी कर्जबाजारी.पुणे जिल्हा मध्यवर्ती सहकारी बँकेसह, पतसंस्था व विविध राष्ट्रीयीकृत बँकांकडून शेतकऱ्यांनी घेतलेल्या कर्जाचा आकडा १०० कोटी रुपयांच्या पुढे आहे. त्यात एकट्या पुणे जिल्हा बँकेच्या वतीने सहकारी सोसायट्यांमार्फत सुमारे ३६ कोटी रुपयांचे पीक कर्ज व दीर्घ मुदतीचे कर्ज शेतकऱ्यांनी घेतले आहे..दीर्घ मुदतीच्या कर्जावर साडेबारा टक्के व्याज आकारले जाते. तीन लाख रुपयापर्यंतच्या पीक कर्जावर व्याज आकारले जात नाही. मात्र हे कर्ज मार्चअखेर भरावे लागते. यावर्षी हंगाम वाया गेल्याने मार्चअखेर कर्जाचा भरणा कसा करायचा, या विवंचनेत हे शेतकरी आहेत..Farmer Issue: अतिवृष्टीच्या अनुदानापासून ८५ हजार शेतकरी वंचित.जुन्नर तालुक्यात सुमारे तीन हजार एकर क्षेत्र द्राक्ष लागवडीखाली आहे. अन्य फळबागांच्या तुलनेत द्राक्ष पीक खर्चिक पीक आहे. हे पीक वार्षिक असल्याने वर्षभर बागेच्या संगोपनासाठी खर्च करावा लागतो. घड निर्मितीपूर्वी दोन लाख व घडनिर्मिती झाल्यानंतर पुढील चार महिन्यांत दोन लाख असा एकरी चार लाख रुपये खर्च द्राक्ष बागेला येतो. नवीन द्राक्ष बाग उभारणीसाठी सुमारे नऊ लाख रुपये खर्च येतो. निर्यातीतून चांगले पैसे मिळवून देणारे हे पीक हवामान बदलामुळे मागील काही वर्षांत अडचणीत सापडले आहे.द्राक्ष पिकासाठी घेतलेले कर्ज७५ सोसायट्यांमार्फत कर्ज वितरणपीक कर्ज : ३२ कोटी २८ लाख रुपये (१ हजार ४११ शेतकरी)दीर्घ मुदतीचे कर्ज: ३ कोटी ८४ लाख रुपये..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
