Government Action: देगलूर तालुक्यात शेतकऱ्यांकडून प्राप्त झालेल्या तक्रारींची गंभीर दखल घेत कृषी विभागाने पाच कृषी निविष्ठा विक्री केंद्रांवर कारवाई केली आहे. रासायनिक खतांची कमाल विक्री किंमतीपेक्षा अधिक दराने विक्री केल्याचे तसेच युरिया खत उपलब्ध असूनही शेतकऱ्यांना विक्री न केल्याचे निष्पन्न झाल्याने संबंधित पाच केंद्रांचे परवाने निलंबित करण्यात आले आहेत..देगलूर तालुक्यातील काही कृषी सेवा केंद्रांकडून खतांची जादा दराने विक्री होत असल्याच्या तक्रारी शेतकर्यांनी कृषी विभागाकडे केल्या होत्या. या तक्रारीनंतर जिल्हा अधीक्षक कृषी अधिकारी दत्तकुमार कळसाईत यांनी यांनी तत्काळ कृषी अधिकारी (गुणनियंत्रण) तसेच तालुका कृषी अधिकारी कार्यालय, देगलूर यांना तपासणीचे आदेश दिले. त्यानुसार संबंधित केंद्रांची पाहणी करण्यात आली..Maize Procurement: बारदानाअभावी मका खरेदी ठप्प.तपासणी अहवालात अनेक गंभीर त्रुटी आढळून आल्याने संबंधित विक्रेत्यांविरुद्ध नियमानुसार कारवाईची प्रक्रिया सुरू करण्यात आली. तपासणीत पांडुरंग कृषी सेवा केंद्र, गणेश कृषी सेवा केंद्र, जिजाई कृषी सेवा केंद्र, सोनी कृषी सेवा केंद्र आणि आनंद फर्टिलायझर्स, देगलूर या पाच कृषी निविष्ठा विक्री केंद्रांमध्ये नियमभंग झाल्याचे स्पष्ट झाले. रासायनिक खतांची कमाल किरकोळ किंमत (एमआरपी) पेक्षा जादा दराने विक्री करणे, .खतसाठा उपलब्ध असूनही शेतकर्यांना विक्री टाळणे, विशेषतः युरिया खताबाबत अडवणूक करणे, अशा प्रकारच्या तक्रारींची तपासणीत पुष्टी झाली. याप्रकरणी संबंधित विक्रेत्यांना सुनावणीची संधी देण्यात आली होती. मात्र सुनावणीनंतरही दोष गंभीर असल्याचे स्पष्ट झाल्याने परवाने निलंबित करण्याचे आदेश देण्यात आले. कृषी विभागाच्या या कारवाईमुळे खत विक्रीतील गैरप्रकारांवर अंकुश बसण्यास मदत होणार असल्याचे मानले जात आहे..Banana Crop Insurance: ‘त्या’ केळी विमाधारकांकडून खुलासे मागविणार.शेतकऱ्यांना वेळेवर व रास्त दरात खते उपलब्ध होणे अत्यंत महत्त्वाचे असते. अशा वेळी काही विक्रेत्यांकडून कृत्रिम टंचाई निर्माण करणे, उपलब्ध साठा असूनही विक्री न करणे किंवा जादा दर आकारणे, हे प्रकार शेतकर्यांसाठी आर्थिकदृष्ट्या मोठे नुकसानकारक ठरतात. दरम्यान, जिल्ह्यात कुठेही रासायनिक खतांची जादा दराने विक्री होत असल्यास, विनापरवाना खत विक्री केली जात असल्यास किंवा खत उपलब्ध असूनही शेतकऱ्यांना विक्री नाकारली जात असल्यास नागरिकांनी तात्काळ कृषी विभागाशी संपर्क साधावा, असे आवाहन जिल्हा अधीक्षक कृषी अधिकारी दत्तकुमार कळसाईत यांनी केले आहे. .तसेच शेतकर्यांनी खते, बियाणे व इतर कृषी निविष्टींची खरेदी करताना केवळ परवानाधारक केंद्रातूनच खरेदी करावी, पावती घ्यावी आणि दराबाबत खात्री करूनच व्यवहार करावा, असेही त्यांनी सांगितले. कृषी निविष्टींच्या विक्रीत पारदर्शकता राहावी, शेतकऱ्यांची फसवणूक होऊ नये आणि कृषी क्षेत्रातील अनियमितता रोखण्यासाठी कृषी विभागाने तपासणी मोहीम अधिक प्रभावीपणे राबविण्याची गरज असल्याची भावना शेतकरी वर्गातून व्यक्त होत आहे. देगलूरमधील या कारवाईनंतर जिल्ह्यातील इतर तालुक्यांतील कृषी सेवा केंद्रांवरही लक्ष ठेवले जाणार असल्याची चर्चा आहे..कारवाई झालेलीकृषी सेवा केंद्रेपांडुरंग कृषी सेवा केंद्र, देगलूरगणेश कृषी सेवा केंद्र, देगलूरजिजाई कृषी सेवा केंद्र, देगलूरसोनी कृषी सेवा केंद्र, देगलूरआनंद फर्टिलायझर्स, देगलूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
