Jalgaon News: राज्यात प्रसिद्ध असलेल्या जळगावच्या भरिताच्या वांग्यांच्या आवकेत विविध बाजारांत ऐन हंगामात घट झालेली दिसत आहे. बाजारात शेतकऱ्यांना प्रतिकिलो ३० ते ४० रुपये व सरासरी ३५ रुपये असा दर मिळत आहे. विविध कार्यक्रमांच्या मेजवानीत भरिताचा मेनू दिसू लागला असला तरी आवक मात्र कमी आहे. .भरिताच्या वांग्यांची आवक थंडीत अधिक असते. पण, यंदा पावसात पिकाची हानी झाली. यंदा दिवाळीच्या काळात आवक रखडत सुरू होती. भुसावळ, जळगाव भागात आवक सुरू आहे. पण, पिकात रोगराई असल्याने आवकेवर परिणाम झाला आहे..Brinjal Pest: वांग्यावर आढळतोय थ्रिप्स पाल्मीचा प्रादुर्भाव.यावल, रावेर, जळगाव भागातील आठवडी बाजारांत भरिताच्या वांग्यांना चांगली मागणी असते. गोलाकार, मोठ्या आकारातील भरिताची वांगी येत आहेत. तसेच भडगाव, एरंडोल, जामनेर भागातही काही शेतकऱ्यांनी भरीत वांगी पिकाची लागवड केली आहे..Agrowon Podcast: सोयाबीनचे दर स्थिर, कापूस आवक सुधारतेय; काकडी व लसणाला वाढीला उठाव, मोसंबीचे दर स्थिर.बामणोद, मस्कावदमध्ये वांगी उत्पादन कमीऑक्टोबरअखेरीस यावल, रावेर या भागात भरितांच्या वांग्यांची काढणी व आवक सुरू होते. पण, यंदा या भागात भरीत वांगी पिकाला अनुकूल वातावरण नाही. यामुळे उत्पादनही वेळेत व जोमात नाही. यावलमधील बामणोद, पाडळसे, भालोद, सांगवी खुर्द, न्हावी, रावेरातील मस्कावद भागात भरीत वांगी उत्पादन कमी आहे. सध्या जळगाव, भुसावळ येथील बाजारांत भरीत वांग्यांची सर्वाधिक आवक होत आहे..जळगावात रोज १८ ते २० क्विंटल भरिताच्या वांग्यांची आवक होत आहे. किरकोळ बाजारातील दर ५० ते ७० रुपये प्रतिकिलो, असे आहेत. भुसावळातील पिंपळगाव, तळवेल, वरणगाव, शिंदी, पिंप्रीसेकम या भागातही भरीत वांग्यांचे उत्पादन होत आहे. पण प्रतिकूल स्थितीने काढणी हवी तशी होत नसल्याचे चित्र आहे. जळगावमधील आसोदा, तरसोद, नशिराबाद, बेळी , जळगाव खुर्द, तुरखेडा, विदगाव या भागातही भरीत वांग्यांचे उत्पादन यंदा कमी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
