Jalgaon News: खानदेशात कांदेबाग केळी लागवड मागील महिन्यातच पूर्ण झाली. कांदेबाग केळीचे दर यंदा कमी होते. तसेच केळीऐवजी अन्य पिकांचा पर्याय शेतकऱ्यांनी अवलंबला. यामुळे केळी लागवडीत सुमारे १५ हजार हेक्टरने घट झाली आहे. .कांदेबाग केळीची लागवड रावेर, यावल, मुक्ताईनगर भागांतही काही शेतकऱ्यांनी केली. कांदेबाग केळीची लागवड ऑक्टोबर, नोव्हेंबर व डिसेंबरमध्येही केली जाते. डिसेंबर व जानेवारीच्या पहिल्या दोन-तीन दिवसांतही ही लागवड केली जाते. डिसेंबरमधील लागवड उशिराची मानली जाते..Banana Market: केळीच्या आवकेत खानदेशात मोठी घट.यंदा ऑक्टोबरमध्ये लागवड बऱ्यापैकी झाली. परंतु नोव्हेंबरमध्ये लागवड कमी झाली. डिसेंबरमधील लागवड अल्प आहे. रोपांचे न परवडणारे दर, महागडी खते व तोट्यात आलेले केळी पीक यामुळे अनेकांनी लागवड कमी केली तर काहींनी लागवड टाळली. रोपांचा पुरवठा, कंद काढणे व वाहतूक आदी कार्यवाही सुरू होती..पण पीक परवडत नसल्याने लागवडीवर परिणाम झाला. डिसेंबरमध्ये लागवडीस वेग आलेला नाही. कारण डिसेंबर व जानेवारीत लागवड केलेल्या केळी बागांत कमी उत्पादन, केळी पिकणे व उठाव कमी अशा समस्या मागील दोन वर्षे दिसत आहेत. यामुळे शेतकरी या महिन्यांतील लागवड टाळत आहेत. या महिन्यांत लागवड केलेल्या केळी पिकात फवारण्यांचा खर्चही अधिक असतो. यामुळे मागील महिन्यातच लागवड आटोपली आहे..Banana Cultivation: खानदेशात केळी लागवड बंदावस्थेत.यंदा कांदेबाग केळीची लागवड जळगाव, धुळ्यात मिळून २५ हजार हेक्टरवर झाल्याचा अंदाज आहे. ही लागवड यंदा सुमारे १५ हजार हेक्टरने कमी झाल्याचे चित्र आहे. जळगाव, चोपडा, जामनेरात सर्वाधिक कांदेबाग केळी आहे. .तसेच मुक्ताईनगर, रावेर, यावल, धुळ्यातील शिरपूर, भडगाव-पाचोरा या भागातही कांदेबाग केळी आहे. मुक्ताईनगर, रावेर, यावल भाग मृग बहर केळीसाठी प्रसिद्ध आहे. या भागातील लागवड जून ते ऑगस्ट या कालावधीत केली जाते..दराचा फटकायंदा लागवडीत घट होईल, असे संकेत सुरुवातीपासूनच होते. कारण केळीचे दर अस्थिर आहेत. कांदेबाग केळीची काढणी जुलैच्या मध्यापासून सुरू झाली होती. या महिन्यापासूनच केळी दर कमी झाले. यंदा १००, १५० ते २०० रुपये प्रति क्विंटलचा दर या केळीस मिळाला. अनेकांनी केळी काढून फेकली. पिकावर रोटाव्हेटर फिरविला. यामुळे लागवडीत घट झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
