Solapur News: शेतकऱ्यांच्या शेतीशी निगडित सर्व गरजा पूर्ण करण्यासाठी एकाच ठिकाणी सर्व माहिती उपलब्ध व्हावी, यासाठी राज्याच्या कृषी विभागाने कृत्रिम बुद्धिमत्तेवर (एआय) आधारित महाविस्तार हे ॲप उपलब्ध करून दिले आहे. गेल्या आठ महिन्यांत सोलापूर जिल्ह्यातील ५१ हजारांसह राज्यातील पाच लाखांहून अधिक शेतकऱ्यांनी हे ॲप इन्स्टॉल केले आहे. या ॲपमुळे शेतकऱ्यांना हवामान अंदाजानुसार पेरणी, पीक व्यवस्थापन, काढणी ते बाजारात माल पाठवण्याचे निर्णय घेणे सुलभ झाले आहे. .हवामान बदल, बाजारपेठेतील अस्थिरता आणि माहितीचा अभाव यामुळे शेतकऱ्यांना अनेक आव्हानांचा सामना करावा लागतो. यावर उपाय म्हणून कृषी विभागाने विकसित केलेले एआय महाविस्तार हे ॲप मे महिन्यापासून शेतकऱ्यांना उपलब्ध झाले आहे.हे ॲप शेतकऱ्यांना रिअल टाइम माहिती, तज्ज्ञांचा सल्ला आणि आधुनिक शेती पद्धतींचे मार्गदर्शन करते..Smart Farming: पिकांच्या जल व्यवस्थापनासाठी कृत्रिम बुद्धिमत्तेचा (एआय) वापर.‘एआय चॅटबॉट’वर त्वरित उत्तरेपीकसल्ला, पीकनिहाय लागवड ते साठवण, मृदा आरोग्य पत्रिका, खत मात्रा गणक, हवामानास अनुकूल शेती पद्धती, कीड व रोग, बाजारभाव, डीबीटी योजना, गोदाम याबाबत मार्गदर्शन मिळते. ॲपमधील ‘एआय चॅटबॉट’ शेतकऱ्यांच्या प्रश्नांना मराठीत त्वरित उत्तरे देते..Smart Farming: पेरणी, पुनर्लागवडीतील स्वयंचलन तंत्रज्ञान.पेरणीच्या वेळेत बदलदेशाच्या १३ राज्यांच्या काही भागात यंदाच्या खरीप हंगामात शेतीविषयी स्थानिक मॉन्सूनच्या आगमनाच्या अंदाजांवर कृत्रिम बुद्धिमत्तेवर आधारित पथदर्शी प्रकल्प राबविण्यात आला. संभाव्य अंदाजात फक्त मॉन्सूनच्या स्थानिक आगमनाचा अंदाज वर्तवला होता. एम किसान पोर्टलद्वारे त्या राज्यांतील तीन कोटी ८८ लाख ४५ हजार २१४ शेतकऱ्यांना संदेश पाठवण्यात आले. .त्यानंतर किसान कॉल सेंटरने शेतकऱ्यांच्या अभिप्रायांचे टेलिफोनिक सर्वेक्षण केले, ज्यात ५२ टक्के शेतकऱ्यांनी पेरणीपूर्व मशागत, पेरणीच्या वेळेत व पिकांच्या निवडीत बदल केल्याचे आढळून आल्याचे केंद्रीय कृषी मंत्रालयाने नुकतेच स्पष्ट केले आहे. यावरून हवामान अंदाजासह वेगवेगळ्या माहितीद्वारे शेतकरी निर्णय घेऊ लागल्याचे दिसून येते..हवामान अंदाज, बाजारभाव यासह शेतीशी निगडित सर्व माहितीमुळे शेतकरी पिकांची पेरणी ते शेतमालाची विक्री यापर्यंतचे नियोजन करत आहेत. परिणामी त्यांच्या उत्पन्नात वाढ होण्यास मदत होईल. ‘एआय चॅटबॉट’वर प्रश्नांना तातडीने उत्तरे मिळतात. यामुळे जिल्ह्यातील ५१ हजार शेतकऱ्यांनी हे ॲप इन्स्टॉल केले आहे. उर्वरित शेतकऱ्यांनीही हे ॲप आपल्या मोबाईलवर इन्स्टॉल करावे.- शुक्राचार्य भोसले, जिल्हा अधीक्षक कृषी अधिकारी,.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
