Sindhudurg News: ई-पीक पाहणी करताना अनेक शेतकऱ्यांना तांत्रिक समस्येला सामोरे जावे लागत आहे. अनेक शेतकरी यापासून वंचित राहिले असल्याने १५ डिसेंबरपर्यंत नोंदणीस मुदतवाढ द्यावी, अशी मागणी छत्रपती शिवाजी महाराज शेतकरी संघटनेने जिल्हाधिकाऱ्यांकडे केली आहे..हवामानावर आधारित पीक विम्याकरीता ३० नोव्हेंबरपर्यंत मुदत आहे. परंतु जिल्ह्यात ई पीक पाहणी नोंदणी प्रक्रिया अडखळत सुरू आहे. कित्येक शेतकऱ्यांची नावेच सात-बारावर दिसत नाहीत, तर काही गट नंबरच दुसरीकडे दिसत आहेत. सतत सर्व्हर डाऊनच्या समस्येने शेतकरी वैतागले आहेत..E Crop Survey: ई-पीक पाहणीला महिनाभर मुदतवाढ.काही भागांत नेटवर्कची समस्या आहे. या संदर्भात शुक्रवारी (ता.२१) छत्रपती शिवाजी महाराज शेतकरी संघटनेचे अध्यक्ष श्यामसुंदर राय, प्रणव नाडकर्णी, प्रकाश वारंग, रामकृष्ण चिंचकर, संदीप देसाई, महेश चव्हाण, आग्नेल फर्नांडिस, अर्जुन नाईक, उत्तम नाईक, अमोल सावंत यांनी निवासी जिल्हाधिकारी मच्छिंद्र सुकटे यांची भेट घेतली..‘तांत्रिक दोषामुळे ई-पीक पाहणी नोंदणीत अडथळे निर्माण झालेले आहेत. हजारो शेतकऱ्यांची पीक पाहणी नोंदणी रखडली असल्याने ते शेतकरी पीक विमा योजनेच्या लाभापासून वंचित राहणार असल्याने मुदतवाढ देण्यात यावी, अशी मागणी संघटनेच्या वतीने श्री. सुकटे यांच्याकडे करण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
