प्रमोद बोडकेSolapur News : सोलापूर जिल्हा मध्यवर्ती सहकारी बँकेच्या निवडणुकीत नेमके कोण उतरणार आणि कोणाची ‘एन्ट्री’ रोखली जाणार, याचा फैसला आता मुंबईतून होण्याची शक्यता आहे. तत्कालीन ३५ संचालक व अधिकाऱ्यांवर निश्चित झालेली २३८ कोटी रुपयांची जबाबदारी आणि त्यावर सुरू असलेली कायदेशीर प्रक्रिया यामुळे माजी संचालकांच्या उमेदवारीचा पेच निर्माण झाला आहे. .कलम ८८ खाली झालेल्या आदेशाला स्थगिती प्रकरणाची सहकारमंत्री बाबासाहेब पाटील यांच्याकडील १२ ऑगस्टची सुनावणी अचानक रद्द झाल्याने या पेचात आणखी भर पडली आहे. माजी संचालकांना निवडणूक लढविण्याचा मार्ग मोकळा होणार की त्यांच्या घरातील नव्या पिढीला मैदानात उतरवावे लागणार, याचे उत्तर आता मुख्यमंत्री देवेंद्र फडणवीस यांच्या भूमिकेतून स्पष्ट होणार आहे. त्यामुळे डीसीसीच्या निवडणुकीचा सगळा राजकीय डावच मुख्यमंत्र्यांच्या निर्णयाभोवती फिरताना दिसत आहे..Solapur DPC Meeting: पीकविमा, वीज, पाणीप्रश्नावर चर्चा.सध्या मतदार प्रतिनिधींचे ठराव घेण्याची प्रक्रिया सुरू आहे. निर्णय कोणाच्या बाजूने लागेल, याची खात्री नसल्याने माजी संचालकांनीही आपली ‘बॅकअप प्लॅन’ तयार ठेवला आहे. स्वतःचा ठराव करण्याबरोबरच मुलगा किंवा पुतण्याचाही ठराव करून ठेवण्याची तयारी बहुतांश माजी संचालकांनी केली आहे. त्यामुळे माजी संचालकांना हिरवा कंदील मिळाला, तर स्वतः मैदानात; अन्यथा घरातील नव्या चेहऱ्यांना संधी, अशी दुहेरी रणनीती आखण्यात आल्याचे चित्र आहे..Maharashtra Politics: फरफट नेमकी कुणाची....ठराव करण्यासाठी शुक्रवारपर्यंत (ता. ११) मुदत आहे. त्यामुळे शेवटच्या टप्प्यात कोणाचे नाव पुढे येते आणि कोणाचे मागे जाते, याकडे लक्ष लागले आहे. दरम्यान, जिल्ह्यातील काही माजी संचालकांनी अलिकडेच मुख्यमंत्री फडणवीस यांची भेट घेतल्याचे समजते. डीसीसीत पुन्हा येण्याची इच्छा त्यांनी व्यक्त केल्याचे सांगण्यात येते. मात्र, ‘तुम्ही त्या भानगडीत पडू नका; तुमच्या घरातील नव्या चेहऱ्यांना संधी द्या,’ असा सल्ला मुख्यमंत्री फडणवीस यांनी दिल्याची चर्चा आहे. मात्र, या भेटीची किंवा या चर्चेची अधिकृत पुष्टी होऊ शकलेली नाही..बँकेत नवे चेहरे; नेतृत्वाचा कसडीसीसीतील समीकरणे केवळ राजकीय पातळीवरच बदलणार नाहीत, तर बँकेच्या प्रशासकीय पातळीवरही मोठा बदल झाला आहे. बहुतांश विभागप्रमुख आणि अनुभवी कर्मचारी निवृत्त झाले असून, मुख्य कार्यकारी अधिकारी आणि बहुतांश विभागप्रमुख नवीन आहेत. त्यामुळे माजी संचालकांना निवडणूक लढविता आली नाही, तर बँकेच्या संचालक मंडळासोबतच प्रशासनातील नेतृत्वाचाही मोठा भाग नव्या चेहऱ्यांचा असेल.....तर सगळे राजकीय गणितच बदलेल!माजी संचालकांच्या अपिलावर सहकारमंत्री बाबासाहेब पाटील यांनी स्थगिती दिली, तर डीसीसीच्या निवडणुकीचे सध्याचे राजकीय गणितच बदलण्याची शक्यता आहे. सर्व माजी संचालकांना पुन्हा निवडणुकीच्या मैदानात उतरण्याची संधी मिळाल्यास सध्याच्या संभाव्य सत्ताकेंद्रांनाही नव्याने समीकरणे जुळवावी लागतील. अशा परिस्थितीत भाजप आमदार राजेंद्र राऊत, आमदार सचिन कल्याणशेट्टी यांच्यासह अन्य भाजप नेत्यांची सीनियरिटी सर्वांत खाली जाण्याची शक्यता आहे. उलट, स्थगिती मिळाली नाही तर माजी संचालकांच्या घरातील युवा नेत्यांना संधी मिळेल आणि संचालक मंडळात आमदार राऊत व आमदार कल्याणशेट्टी यांच्यासह अन्य ज्येष्ठ नेत्यांची भूमिका अधिक महत्त्वाची ठरेल. सहकारमंत्री एवढा मोठा निर्णय मुख्यमंत्र्यांच्या सल्ल्यानेच घेण्याची शक्यता असल्याने उमेदवारी अर्ज दाखल होईपर्यंत डीसीसीतील हा ‘सस्पेन्स’ कायम राहण्याची चिन्हे आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
