Gondia News: ग्रामीण विकासात महिलांना केंद्रस्थानी ठेवत गोंदिया जिल्ह्यातील डव्वा ग्रामपंचायतीने एक अभिनव पाऊल टाकले आहे. गावातील प्रत्येक घर महिलांच्या नावावर डिजिटल नोंदणीकृत करून ‘महिलांच्या नावाचे घर’ हा उपक्रम राबविण्यात येत असून, त्यामुळे महिला सक्षमीकरणासोबतच गावाचा प्रशासनिक व सामाजिक विकासाला नवी दिशा मिळाली आहे..डव्वा ग्रामपंचायत पर्यावरणपूरक व नावीन्यपूर्ण उपक्रमांसाठी यापूर्वीच राज्य व राष्ट्रीय स्तरावर गौरवली गेली आहे. आता या उपक्रमाअंतर्गत प्रत्येक घराला कुटुंबप्रमुख म्हणून महिलेच्या नावाची डिजिटल नेम प्लेट बसविण्यात येत आहे. या नेम प्लेटवर क्यूआर कोडची सुविधा देण्यात आली असून, त्याद्वारे संबंधित घराचे कर, पाणीपट्टी, ग्रामपंचायतीच्या सेवा तसेच विविध डिजिटल सुविधा थेट मोबाईलवर उपलब्ध होणार आहेत..Women Empowerment: मकरसंक्रांतीला महिला बचत गटांच्या कर्तृत्वाची गोड चव.महिलांच्या सन्मानाला प्राधान्य देतानाच प्रशासन अधिक पारदर्शक व डिजिटल करण्याचा हा प्रयत्न असल्याचे ग्रामपंचायतीकडून सांगण्यात आले. यामुळे महिलांचे सामाजिक स्थान बळकट होण्यासोबतच शासनाच्या योजनांचा थेट लाभ नागरिकांपर्यंत पोहोचण्यास मदत होणार आहे. डव्वा गावाने स्वच्छता, आरोग्य, शिक्षण आणि डिजिटल प्रशासन या क्षेत्रांत सातत्याने उल्लेखनीय कामगिरी केली आहे..Women Empowerment: महिला बचत गटाच्या उत्पादनांना मिळणार कायमस्वरूपी बाजारपेठ.विविध शासकीय व सामाजिक अभियानांची प्रभावी अंमलबजावणी केल्याबद्दल ग्रामपंचायतीस राज्य व राष्ट्रीय स्तरावर अनेक पुरस्कार प्राप्त झाले आहेत. हा उपक्रम डिजिटल विकासाला प्रोत्साहन म्हणून सुरू करण्यात आला. यावेळी लोकप्रतिनिधी, प्रशासन अधिकारी, महिला बचतगट सदस्य व ग्रामस्थ मोठ्या संख्येने उपस्थित होते..गावातील महिलांचा सक्रिय सहभाग आणि लोकसहभागामुळेच हा उपक्रम यशस्वी होत असल्याचे मत यावेळी व्यक्त करण्यात आले. महिलांच्या सक्षमीकरणातून संपूर्ण गावाचा विकास साधण्याचा डव्वा गावातील हा प्रयोग आता राज्यातील इतर ग्रामपंचायतींसाठीही एक आदर्श ठरत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
