Pune News: दावोस येथे झालेल्या वर्ल्ड इकॉनॉमिक फोरम मध्ये मध्य प्रदेश सरकारने कृषी व अन्न प्रक्रिया क्षेत्रात महत्वाचे पाऊल उचलले आहे. एआय-आधारित प्रोटीन संशोधन करणाऱ्या ‘शिरू’ या आंतरराष्ट्रीय कंपनीसोबत सहकार्य करण्याची तयारी मध्य प्रदेशने दाखवली आहे. या भागीदारीमुळे अन्न तंत्रज्ञान विकसित होण्यास चालना मिळणार आहे. यामुळे सोयाबीन व गहू उत्पादनात आघाडीवर असलेल्या मध्य प्रदेशात संशोधन व उत्पादनाच्या नव्या संधी निर्माण होण्याची शक्यता आहे. .मध्य प्रदेशचे प्रमुख सचिव राघवेंद्र कुमार सिंह आणि शिरू कंपनीच्या सीईओ डॉ. जॅस्मिन ह्यूम यांच्यात याबाबत चर्चा झाली. या चर्चेत राज्यातील शेतीची ताकद, पिकांची उपलब्धता आणि त्यातून अधिक फायदा कसा मिळवता येईल, यावर भर देण्यात आला..AI In Agriculture : स्मार्ट शेतीसाठी २ हजार ५०० कोटी रुपयांचे सामंजस्य करार; एप्रिल २०२६ पासून प्रकल्प सुरु होणार.एआयच्या मदतीने प्रोटीन संशोधन…शिरू कंपनी कृत्रिम बुद्धिमत्तेचा वापर करून विविध वनस्पतींमधून प्रोटीन घटक शोधते. या प्रोटीनचा उपयोग अन्नपदार्थ, आरोग्य उत्पादने आणि सौंदर्यप्रसाधनांमध्ये केला जातो. कंपनीकडे अशी आधुनिक प्रणाली आहे, ज्यामुळे कमी वेळात आणि पर्यावरणाला कमी नुकसान होईल अशा पद्धतीने प्रोटीन विकसित करता येते..मध्य प्रदेशच्या शेतकऱ्यांना नव्या संधी…सोयाबीन आणि गहू उत्पादनात मध्य प्रदेश देशात आघाडीवर आहे. त्यामुळेच शिरू कंपनीने राज्यात विशेष रस दाखवला आहे. कडधान्ये, सोयाबीन यांसारख्या पिकांपासून प्रोटीन तयार करण्याच्या शक्यता तपासल्या जाणार आहेत. यासाठी राज्यात संशोधन, प्रायोगिक प्रकल्प आणि पुढे उत्पादन केंद्र उभारण्याबाबत चर्चा झाली आहे..AI In Agriculture: भारतीय शेतकऱ्याकडून माहितीसाठी ‘एआय’चा वापर.कृषी विद्यापीठे व संशोधन संस्थांना लाभ…या सहकार्यामुळे राज्यातील कृषी विद्यापीठे आणि संशोधन संस्थांनाही फायदा होणार आहे. शिरू कंपनीसोबत तांत्रिक भागीदारी केल्याने विद्यार्थ्यांना आणि शास्त्रज्ञांना आधुनिक एआय तंत्रज्ञानावर काम करण्याची संधी मिळेल..या उपक्रमामुळे मध्य प्रदेश केवळ शेतमाल उत्पादन करणारे राज्य न राहता, आधुनिक कृषी प्रक्रिया आणि तंत्रज्ञानाचे केंद्र बनण्याच्या दिशेने वाटचाल करेल. याचा थेट फायदा शेतकऱ्यांना अधिक दर मिळण्यात, रोजगार वाढण्यात आणि राज्यात नव्या गुंतवणुकीला चालना मिळण्यात होणार असल्याचे मानले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
