Kolhapur News: दारवाड (ता. भुदरगड) येथे कूर कालव्याच्या अस्तरीकरणावर १७ कोटी रुपये खर्च करूनही शेतकऱ्यांच्या नशिबी पुन्हा एकदा ‘येरे माझ्या मागल्या’ अशीच अवस्था आली आहे. दारवाडला कालवा मध्यरात्री ओव्हर फ्लो झाल्याने ७० एकर क्षेत्रातील पिकांचे प्रचंड नुकसान झाले. काही महिन्यांपूर्वीच २१ कोटी खर्चून अस्तरीकरण झाले असतानाही तीन फूट कालव्यात तब्बल सहा फूट पाणी वारंवार सोडले जात असल्याने कालव्याची व पिकांची दयनीय अवस्था झाली आहे..मशागत करून पेरणीसाठी तयार केलेल्या व पेरणी केलेल्या शेतात अचानक पाणी तुंबल्याने पिकांचे, मशागत केलेल्या शेतीचे नुकसान झाले आहे. त्यामुळे अनेक शेतकऱ्यांचे कर्ज काढून उभे केलेले पीक गेल्याने तीव्र संताप व्यक्त होत आहे. मुदाळ ते मिणचे खुर्द या पट्ट्यातील हा कालवा शेतकऱ्यांसाठी विकासाचा नव्हे तर सततचा त्रास आणि धोक्याचा स्रोत ठरत आहे. .Crop Damage: भडगावमध्ये कष्टाचे पीक मोकाट जनावरांच्या घशात.कालव्याचे फुटण्याचे प्रकार वारंवार घडत असूनही पाटबंधारे विभाग आणि अस्तरीकरण ठेकेदारांकडून दर्जेदार काम झाले का, असा गंभीर प्रश्न उपस्थित होत आहे. कोट्यवधींचा खर्च करूनही शेतकऱ्यांच्या शेतात पाणी साचते, पिके नष्ट होतात; मग हा निधी ठेकेदारांच्या फायद्यासाठी का, असा संतप्त सवाल शेतकरी उपस्थित करत आहेत. .तातडीने पंचनामे करून नुकसानग्रस्त शेतकऱ्यांना भरपाई द्यावी, दोषी अधिकाऱ्यांवर व ठेकेदारावर कठोर कारवाई करावी, तसेच कालव्याच्या संपूर्ण कामाची चौकशी व्हावी, अशी जोरदार मागणी शेतकरी वर्गातून होत आहे. अन्यथा आंदोलन छेडण्याचा इशाराही देण्यात आला आहे. एवढे मोठे नुकसान होऊनही एकही पाटबंधारेचा अधिकारी न फिरकल्याने शेतकऱ्यांनी संतप्त भावना व्यक्त केल्या..Crop Damage Compensation: जतमधील अतिवृष्टिग्रस्तांना नुकसानभरपाईचे आश्वासन.अस्तरीकरणाचे गौडबंगालपाणी पाचवडे पाटीशेजारी मुख्य रस्त्यावर दोन फूट पाणी वाहत होते. पाण्यातून नागरिक, प्रवासी यांचा प्रवास सुरू होता. पाचवडेपर्यंत हा कालवा ७ फूट अस्तरीकरण तर पाचवडेपासून पुढे तीन फूट अस्तरीकरण करण्यामागे गौडबंगाल काय; अशी विचारणा शेतकरी करत आहेत..कालवा फुटण्याचे प्रमाण सतत असल्याने शेतकरी हतबल झाले आहेत. शासनाने ठोस उपाययोजना करावी. अस्तरीकरण होऊनही पाणी मुरते आहे; याकडे शासनाने लक्ष द्यावे. शेतकऱ्यांना नुकसानभरपाई द्यावी.- प्रताप पाटील, दारवाड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
