Jalgaon News: सातपुडा पर्वतात वणवे पेटू लागले आहेत. यात मौल्यवान वनसंपदेची हानी होत असून, वणवे पेटण्याचे प्रकार आणि त्यामागील कारणांचा शोध केव्हा घेतला जाणार, हा प्रमुख मुद्दा आहे. .खानदेशात नंदुरबारातील अक्कलकुवा, धडगाव, शहादा, तळोदा, धुळ्यातील शिरपूर, जळगावमधील चोपडा, यावल व रावेर या भागांलगत सातपुडा पर्वत आहे. सातपुड्याच्या पलिकडे मध्य प्रदेश आहे. यावल अभयारण्याचा ठेवा याच सातपुडा भागात आहे. त्यासंबंधी अनेक घोषणा, योजना आहे..Sahyadri Wildfires: वणवा आणि जाणिवा.वन विभागाचा मोठा ताफा सातपुड्याच्या सुरक्षेसाठी आहे. परंतु वणवे दरवर्षी पेटतात. त्यावर नियंत्रण आले की वनविभाग पुढे शांत होतो. पण वणवे का पेटतात की जाणीवपूर्वक पेटविले जातात, याचा शोध घेतला जात नाही..यंदाही वणवे चोपडा, यावल वन क्षेत्राच्या पलीकडे व नजीक पेटल्याचे पर्यावरणप्रेमी, ग्रामस्थांचे म्हणणे आहे. अतिक्रमण, वनसंपदेची चोरी, वृक्ष नष्ट करणे, अमूल्य डिंक निर्मितीसाठी हे वणवे पेटविले जातात, असा दावा अनेक वर्षे केला जात आहे..Satara Forest Fire: वणव्यामुळे वनसंपदा जळून नष्ट.वृक्ष पेटल्यानंतर त्यांची कत्तल करून वाहतूकही सोपी होते, यामुळे हे वणवे दर वर्षी पेटतात, असा दावा जाणकार, पर्यावरणप्रेमी करतात. वन विभागही या समस्या रोखण्यासंबंधी हतबल ठरत आहे. मध्य प्रदेशातील चोरट्या वाटेतून वृक्षांची तस्करी केली जाते. हद्दीचा वाद यात असतो. यामुळे कारवाई अनेकदा होत नाही. काही वेळेस कमी मनुष्यबळ, मध्य रात्रीची वेळ यामुळे कारवाई होत नाही, असेही सांगितले जाते..गवत पेटल्यानंतर जैवविविधता संपुष्टात येते. सातपुडा पर्वतातील वनसंपदा नष्ट झाल्याने याच भागातून वादळी पाऊस, गारपिटीची समस्या येत आहे. यंदाही सातपुडालगत गारपीट, वादळी पाऊस झाला. यात केळी, भाजीपाला पिकांची अतोनात हानी झाली. वन विभागाने पर्यटकांना घनदाट वनसंपदा, वन्यप्राण्यांचा संचार असलेल्या क्षेत्रात जाण्यापासून वर्जित केले आहे. पर्यटकही निष्काळजीपणा करतात व यातून आग लागल्याचे प्रकार घडतात, असाही दावा प्रशासन करते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
