Animal Husbandry : अकोला दुग्ध व्यवसाय सुरू करण्यापूर्वी प्रशिक्षण घेणे जितके आवश्यक आहे, तितकेच व्यवसाय सुरू केल्यानंतर वेळोवेळी तज्ज्ञांचा सल्ला व मार्गदर्शन घेणेही गरजेचे आहे. आधुनिक पशुपालनातील नवनवीन समस्या, यांत्रिकीकरण आणि आधुनिक तंत्रज्ञान आत्मसात करण्यासाठी ज्ञान, तंत्रज्ञान आणि कौशल्याची त्रिसूत्री महत्त्वाची आहे, असे मत अकोला लोकसभा मतदारसंघाचे खासदार अनुप धोत्रे यांनी व्यक्त केले..कृषी विभागाच्या कृषी तंत्रज्ञान व्यवस्थापन यंत्रणा (आत्मा) योजनेअंतर्गत कृषी विज्ञान केंद्र, सिसा (उदेगाव) येथे अकोला तालुक्यातील शेतकऱ्यांसाठी ‘दुग्ध व्यवसाय व प्रक्रिया’ या विषयावर दोन दिवसीय प्रशिक्षण कार्यक्रमाचे आयोजन करण्यात आले होते. या कार्यक्रमाला खासदार अनुप धोत्रे, कृषी विज्ञान केंद्राचे प्रमुख शास्त्रज्ञ डॉ. उमेश ठाकरे, पशुविज्ञान तज्ज्ञ डॉ. गोपाळ मंजुळकर, आत्मा समितीचे अध्यक्ष किशोर काकडे, आत्माचे तालुका तंत्र व्यवस्थापक व्ही. एम. शेगोकार, आत्मा समितीचे सदस्य तसेच इतर उपस्थित होते..Farmer Empowerment: उत्पादक न राहता उद्योजक व्हा.मार्गदर्शन करताना खासदार धोत्रे म्हणाले, की पारंपरिक पशुपालनात घरातील ज्येष्ठ व्यक्ती किंवा तज्ज्ञांकडून सल्ला घेतला जात असे. मात्र, आधुनिक पशुपालनात निर्माण होणाऱ्या विविध समस्या, यांत्रिकीकरण आणि नवीन तंत्रज्ञानाचा वापर यासाठी तज्ज्ञ पशुवैद्यक किंवा तांत्रिक व्यक्तींकडून मार्गदर्शन घेणे आवश्यक झाले आहे. सध्या दूध व दुग्धजन्य पदार्थांना मागणी वाढत असल्याने दुग्ध व्यवसायातून मोठ्या प्रमाणावर नफा मिळविणे शक्य आहे. या व्यवसायातून तळागाळातील शेतकऱ्यांना रोजगाराच्या संधी उपलब्ध करून देण्यासाठी केंद्र व राज्य शासन विविध योजनांवर काम करीत असल्याचेही त्यांनी सांगितले..Private Veterinary Colleges: समृद्ध पशुपालनासाठी खासगी पशुवैद्यकीय महाविद्यालये महत्त्वाची.दोन दिवसीय प्रशिक्षणादरम्यान पशुविज्ञान तज्ज्ञ डॉ. गोपाळ मंजुळकर यांनी देशी व विदेशी गाई-म्हशींच्या जाती, कृत्रिम रेतन, गाभण जनावरांची निगा, संतुलित आहार, मुरघास निर्मिती, चाऱ्याचा दर्जा सुधारणे, लसीकरण, गोचीड व जंतनिर्मूलन, विषबाधेवरील उपाय, स्वच्छ दूध उत्पादन तसेच दूध प्रक्रिया आदी विषयांवर शेतकऱ्यांना सविस्तर तांत्रिक मार्गदर्शन केले..कार्यक्रम यशस्वी करण्यासाठी कृषी विज्ञान केंद्राचे गजानन तुपकर, डॉ. चारुदत्त ठिपसे, कुलदीप देशमुख तसेच आत्माचे व्ही. एम. शेगोकार यांनी पुढाकार घेतला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
