Jalgaon News: खानदेशात दादर ज्वारीचे पीक निसवले आहे. काही भागांत आगाप पेरणीच्या पिकात दाणे पक्व होत असून, पीक बऱ्यापैकी आहे. सिंचनासाठी शेतकऱ्यांची लगबग सुरू आहे. खानदेशात यंदा दादर ज्वारी व संकरित ज्वारीची सुमारे ५४ हजार हेक्टरवर पेरणी झाली आहे. संकरित ज्वारी, संकरित दादर ज्वारीची पेरणीही बऱ्यापैकी झाली. .चारा व दादर ज्वारीस दर मागील हंगामात चांगले होते. काही शेतकऱ्यांच्या दादर ज्वारीस दरही मिळाला. यामुळे शेतकऱ्यांनी यंदा मका, कांद्याचे क्षेत्र कमी करून संकरित दादर ज्वारी व अन्य ज्वारीची पेरणी केली. कारण ज्वारीस मक्यापेक्षा कमी पाणी लागते. शिवाय, उत्पादनही एकरी १० ते १२ क्विंटल येते..Rabi Jowar Sowing: मराठवाड्यात पाच लाख हेक्टरवर ज्वारीची पेरणी.खानदेशात सुमारे एक लाख हेक्टरवर मक्याची लागवड झाली आहे. मागील तीन वर्षांपासून मका लागवड वाढत आहे. २०२१ मध्ये खानदेशात सुमारे ४२ हजार हेक्टरवर मक्याची लागवड झाली होती. नंतर लागवडीत हळूहळू वाढ होत गेली..कोरडवाहू दादर ज्वारीची पेरणी खानदेशात जळगाव जिल्ह्यातील जळगाव, चोपडा, अमळनेर या भागात अधिक आहे. तसेच नंदुरबारातील शहादा व धुळ्यातील शिरपूर तालुक्यातही दादर ज्वारी पीक आहे. दिवाळीनंतर पेरणी केलेल्या कोरडवाहू दादर ज्वारीचे पीक निसवले आहे. त्यात दाणे पक्व होत आले आहेत. पक्ष्यांकडून दाणे फस्त होत असल्याने शेतकरी पिकांची राखणदारी करीत आहेत..Jowar Farming: कोरडवाहू क्षेत्रातील ज्वारी पीक निसवले.संकरित ज्वारी जोमातविविध कंपन्यांच्या संकरित ज्वारीची पेरणीदेखील बऱ्यापैकी झाली आहे.संकरित ज्वारी पीकही जोमात आहे. काही शेतकऱ्यांनी विद्यापीठांकडून संशोधितदादर ज्वारी वाणांची पेरणी केली आहे. या पिकास मागील ३० ते ४० दिवसांतदोन वेळेस सिंचन झाले आहे. काळ्या कसदार जमिनीसह मध्यम जमिनीतही पीक जोमात आहे..उशिरा पेरणीही कायमखानदेशात दादर ज्वारीची पेरणी उशिरादेखील झाली आहे. या महिन्याच्या पहिल्या आठवड्यातही अनेकांनी संकरित ज्वारीची पेरणी केली आहे. कमी कालावधीत येणाऱ्या वाणांना शेतकऱ्यांनी पसंती दिली आहे. उशिरा पेरणीच्या ज्वारीस एक वेळेस पाणी देण्यात आले आहे. त्यातही वाढ चांगली आहे. निकोप वाढीसाठी शेतकरी निरभ्र वातावरणाची अपेक्षा करीत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
