Pune News: राज्यातील फूल उत्पादकांचा हक्काचा बाजार असलेल्या मुंबई (दादर) येथील मीनाताई ठाकरे फुलबाजारात मुंबई महानगरपालिकेसह, पोलिसांनी अतिक्रमण कारवाईची मोहीम हाती घेतली आहे. यामुळे बाजार विस्कळित झाला असून, फूल उत्पादक शेतकऱ्यांचे नुकसान होत आहे. .दादर फुलबाजाराचे प्रश्न कायमस्वरूपी सोडविण्यासाठी राज्य कृषी पणन मंडळाने पुढाकार घेतला असून, दादर येथेच दोन एकरांवर अत्याधुनिक बाजार उभारण्याच्या हालचाली सुरू केल्या आहेत..Flower Market: फूल बाजारासाठी समितीत जागा द्या.वर्षानुवर्षे येथे राज्यभरातून फुले विक्रीसाठी आणली जातात. गेल्या अनेक वर्षांपासून अतिक्रमणांसह अनेक समस्यांच्या गर्तेत हा बाजार अडकला आहे. बाजारावर बाजार समिती किंवा पणन विभागाचे नियंत्रण नसल्याचे कोणत्याही स्वरूपाच्या बाजार शुल्काच्या माध्यमातून उत्पन्न राज्य शासनाला मिळत नाही..या बाजारावर नियमन आणण्याचा पणन विभागाने सातत्याने प्रयत्न केला. मात्र त्याला यश आले नाही. सद्यःस्थितीत बाजारात महानगरपालिकेचे परवानाधारक अत्यल्प व्यापारी आहेत. तर अनेक व्यापारी परप्रांतीय असून, सध्या बांगलादेशातील नागरिक बेकायदेशीरपणे, फुलांचा व्यापार करत असल्याचे पालिका प्रशासनाच्या निदर्शनास आल्याचे सांगण्यात येत आहे..Flower Market: शीतगृहात शेवंतीच्या फुलांचे मूल्यवर्धन.यामुळे या बाजारात सध्या मोठी कारवाई सुरू असल्याने बाजार बंद ठेवण्याची वेळ आली होती. परिणामी बाजार विस्कळित झाल्याने शेतकऱ्यांचे मोठे नुकसान होत आहे..बाजार नियमनच्या हालचालींना वेगदादर येथील दोन एकर भूखंडावर अत्याधुनिक बाजार उभारण्यासाठी राज्य कृषी पणनमंडळाने पुढाकार घेतला असून, या माध्यमातून गाळ्यांची लिलावाद्वारे विक्री करून, मुंबई बाजार समितीचा उपबाजार (फूल) करून, बाजार नियमन करण्याच्या हालचाली सुरू करण्यात आल्याचे पणन विभागाद्वारे सांगण्यात आले.b.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
