Pune News: अरबी समुद्रातील तीव्र ‘शक्ती’ चक्रीवादळ पश्चिमेकडे सरकत आहे. आज (ता. ५) हे तीव्र चक्रीवादळ मध्य अरबी समुद्रात सक्रिय राहणार असून, उद्या (ता. ६) ते माघारी फिरून पुन्हा महाराष्ट्र आणि गुजरातच्या किनाऱ्याकडे येण्याची शक्यता आहे. किनाऱ्याकडे येताना या वादळाची तीव्रता ओसरण्याची शक्यता असल्याने फारसा धोका राहणार नाही..बंगालच्या उपसागरातील तीव्र कमी दाब क्षेत्र मध्य भारतातून प्रवास करत अरबी समुद्राकडे आल्यानंतर ईशान्य अरबी समुद्रात पाकिस्तान आणि गुजरातच्या किनाऱ्यालगत ‘शक्ती’ चक्रीवादळाची निर्मिती झाली. शनिवारी (ता.४) हे वादळ आणखी तीव्र झाले असून, ही प्रणाली गुजरातच्या द्वारकेपासून ४२० किलोमीटर, तर नालियापासून ४२० किलोमीटर नैर्ऋत्येकडे, पोरबंदरपासून ४८० किलोमीटर पश्चिमेकडे आणि पाकिस्तानच्या कराचीपासून ३९० किलोमीटर दक्षिणेकडे होती..Cyclone Shakti: अरबी समुद्रात घोंघावतेय ‘शक्ती’ चक्रीवादळ.‘शक्ती’ चक्रीवादळ सध्या भारताच्या पश्चिम किनाऱ्यापासून दूर समुद्राकडे जात असले तरी उद्या (ता. ६) ही वादळी प्रणाली मध्य अरबी समुद्रातून माघारी परतणार आहे. सध्या अरबी समुद्रात ताशी ११० ते १३५ किलोमीटर वेगाने वारे वाहत असून,.Rain Update : पुढील पाच दिवस पावसाचा जोर कमीच राहणार.किनाऱ्याकडे येताना चक्रीवादळाची तीव्रता कमी होणार असल्याने मंगळवारपर्यंत (ता. ७) गुजरात आणि उत्तर महाराष्ट्राच्या किनारपट्टीवर ताशी ५५ ते ७५ किलोमीटर वेगाने वारे वाहण्याची, वादळी पावसाची, समुद्र खवळून उंच लाटा उसळण्याची शक्यता असल्याने मासेमारीसाठी खोल समुद्रात न जाण्याचा इशारा देण्यात आला आहे..पूर्व भारतातील कमी दाब क्षेत्र निवळणारबंगालच्या उपसागरात तयार झालेले तीव्र कमी दाबाचे क्षेत्र जमिनीवर आले आहे. शनिवारी (ता. ४) झारखंड, बिहार आणि उत्तर प्रदेशमध्ये ठळक कमी दाबाचे क्षेत्र सक्रिय होते. बिहारकडे जाताना या प्रणालीची तीव्रता कमी होण्याची शक्यता वर्तविण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
