Akola News : काकडी शेतीतून शेतकऱ्यांना कमी वेळेत चांगला नफा मिळवता येतो. त्यामुळे काकडीची लागवड फायदेशीर ठरते. योग्य नियोजन व आधुनिक तंत्रज्ञानाचा वापर केल्यास हे पीक फायदेशीर ठरते, असे प्रतिपादन डॉ. पंजाबराव देशमुख कृषी विद्यापीठाचे संशोधन संचालक डॉ. एस. एस. माने यांनी केले..अकोला तालुक्यातील मौजे वाळकी येथे कृषी तंत्रज्ञान व्यवस्थापन यंत्रणा (आत्मा) व कृषी विभागाच्या वतीने खरीप काकडी पिकाची शेतीशाळा शुक्रवारी (ता. १२) सायंकाळी प्रगतिशील शेतकरी संतोष कातखेडे यांच्या शेतात आयोजित करण्यात आली होती. यावेळी कार्यक्रमाचे अध्यक्ष म्हणून डॉ. माने बोलत होते. .शेतीशाळेचा कृषी विद्यापीठाच्या मिरची व भाजीपाला संशोधन केंद्राचे प्रमुख शास्त्रज्ञ व पैदासकार डॉ. श्याम घावडे, तालुका कृषी अधिकारी विलास वाशिमकर, शास्त्रज्ञ डॉ. दिनेश फड, आत्मा तालुका तंत्र व्यवस्थापक व्ही. एम. शेगोकार, सहाय्यक तंत्र व्यवस्थापक अर्चना पेटे, उप कृषी अधिकारी विजय महाजन, सहाय्यक कृषी अधिकारी कैलास बोदडे यांची प्रामुख्याने उपस्थिती होती..Vegetable Farming : गौरीपूजनातील महत्त्व ओळखून आखली पीकपद्धती .डॉ. माने म्हणाले, की कृषी विद्यापीठाचे तंत्रज्ञान शेतकऱ्यांपर्यंत नेण्यासाठी २० ते २२ सप्टेंबर याकाळात विद्यापीठ प्रक्षेत्रावर शिवार फेरी आयोजित करण्यात आली आहे. या ठिकाणी शेकडो पिकांचे जिवंत प्रात्यक्षिक तयार करण्यात आले असून शेतकऱ्यांनी याचा लाभ घेतला पाहिजे. काकडी उत्पादक शेतकऱ्यांच्या दृष्टीने प्रतवारीसाठी लहान यंत्रे निर्मितीसाठी विद्यापीठ पुढाकार घेईल, असेही ते म्हणाले..डॉ. घावडे यांनी काकडी उत्पादक शेतकऱ्यांनी सुधारित जातींची लागवड, नियोजनबद्ध खत आणि पाणी व्यवस्थापन, कीड रोगांचे नियंत्रण याचे नियोजन केल्यास हे पीक फायद्याची आहे असे सांगितले. श्री. वाशीमकर यांनी कृषी विभागामार्फत राबवल्या जाणाऱ्या विविध योजनांची माहिती दिली. .Vegetable Farming : गौरीपूजनासाठीच्या वनस्पतींची शेती अन् सेवाही.शेतकऱ्यांनी फळबाग, भाजीपाला लागवडीकडे वळावे, असे सांगितले. सरतेशेवटी शेतकऱ्यांनी विचारलेल्या प्रश्नांचे निरसन करण्यात आले. या शेतीशाळेमध्ये काकडी उत्पादक शेतकरी बहुसंख्येने उपस्थित होते. .कार्यक्रमाचे सूत्रसंचालन श्री. शेगोकार यांनी केले. आभार श्री. महाजन यांनी मानले. कार्यक्रमासाठी नितीन गावंडे,कृषी सखी राधिका गावंडे,कोमल कातखेडे, विद्या कातखेडे व काकडी उत्पादक शेतकऱ्यांनी पुढाकार घेतला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
