Nanded News: नांदेड प्रादेशिक सहसंचालक (साखर) कार्यालयांतर्गत नांदेड विभागात २९ साखर कारखाने सुरू झाले आहेत. या कारखान्यांनी गुरुवारअखेर (ता. ११) ३२ लाख ७ हजार ६१४ टन उसाचे गाळप केले तर २५ लाख ३४ हजार ५९७ क्विंटल साखरेचे उत्पादन झाल्याची माहिती प्रादेशिक सहसंचालक (साखर) कार्यालयाच्या सूत्राने दिली. .प्रादेशिक सहसंचालक (साखर), कार्यालय, नांदेड विभागातील नांदेडसह परभणी, हिंगोली व लातूर या चार जिल्ह्यांतून गाळप हंगाम २०२५-२६ साठी ३० कारखान्यांनी ऑनलाइन अर्ज केले होते. यातील आजपर्यंत २९ कारखान्यांना गाळप परवाना मिळाला आहे. यातील २९ कारखान्यांनी गाळप हंगाम सुरू केला आहे. यात १९ खासगी, तर १० सहकारी साखर कारखान्यांचा समावेश आहे..Sugarcane Crushing: बत्तीस कारखान्यांनी केले ३२ लाख ७२ हजार टन उसाचे गाळप.सध्या विभागात गाळपाला गती आहे. थंडीच्या कडाक्यातही ऊस तोड कामगार भल्या पहाटेपासून ऊस तोडणीच्या कामाला लागत आहेत. गुरुवार अखेर (ता. ११) ३२ लाख ७ हजार ६१४ टन उसाचे गाळप केले, तर २५ लाख ३४ हजार ५९७ क्विंटल साखरेचे उत्पादन झाले आहे. साखरेचा सरासरी उतारा ७.७५ टक्के असल्याची माहिती साखर सहसंचालक कार्यालयाच्या सूत्रांनी दिली. नांदेड विभागात सर्वाधिक १२ साखर कारखाने लातूर जिल्ह्यात सुरू झाले आहेत..यात सहा साखगी, तर सहा सहकारी साखर कारखान्यांचा समावेश आहे. यानंतर परभणी जिल्ह्यात सहा कारखाने सुरु झाले आहेत. हे सर्वच कारखाने खासगी आहेत. नांदेड जिल्ह्यात सहा कारखान्यांनी गाळप सुरू केले आहे. यात पाच खासगी तर एक सहकारी साखर कारखान्याचा समावेश आहे. हिंगोली जिल्ह्यात पाच साखर कारखाने सुरू झाले आहेत. यात दोन खासगी तर तीन सहकारी साखर कारखान्यांनी गाळप सुरू केले आहे..Sugarcane Crushing Season: कारखान्यांच्या साखर उताऱ्यात यंदा घसरण .गाळपात गंगाखेड, ट्वेन्टीवन शुगर आघाडीवरनांदेड विभागात मागील काही वर्षांपासून परभणी जिल्ह्यातील गंगाखेड शुगर ॲड एनर्जी लि., माखणी हा खासगी साखर कारखाना गाळपात आघाडीवर असतो. परंतु यंदाही या कारखान्याने आजपर्यंत दोन लाख ४२ हजार २८० टन उसाचे गाळप करून आघाडी घेतली आहे. तर त्यापाठोपाठ लातूर जिल्ह्यातीलच ट्वेंटीवन शुगर लि. माळवटी (जि. लातूर) या कारखान्याने दोन लाख ३७ हजार टन उसाचे गाळप केले आहे. तर ट्वेन्टीवन शुगर सायखेडा (ता. सोनपेठ) कारखान्याने एक लाख ८१ हजार टन उसाचे गाळप केले आहे..कारखानिहाय ऊस गाळप व साखर उत्पादन(गाळप टनांत साखर उत्पादन क्विंटलमध्ये)जिल्हा कारखाने ऊस गाळप साखर उत्पादननांदेड सहा ०५,६५,८७९ ०४,५४,३४०लातूर १२ १२,६२,३९१ १०,१४,२४७परभणी सहा ०८,७७,५६५ ०६,५२,०१०हिंगोली पाच ०५,०१,७७९ ०४,१४,०००एकूण २९ ३२,०७,६१४ २५,३४,५९७.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
