Yavat News: दहा वर्षांच्या खंडानंतर पुन्हा सुरू झालेल्या यवत येथील पशुधनाच्या बाजाराला मिळणारा शेतकरी व व्यापाऱ्यांचा प्रतिसाद वाढत चालला आहे. पहिल्या आठवड्यातच झालेल्या चांगल्या व्यवहारानंतर दुसऱ्या आठवड्यातही बाजारात पशुधनांची आवक वाढली होती. तब्बल ८० पशुधनाची खरेदी-विक्री होऊन लाखोंची उलाढाल झाली होती. आता तिसऱ्या आठवड्यात ही संख्या ३०० वर पोहोचली असल्याची माहिती सूत्रांनी दिली..पहिल्या आठवड्यात सुमारे ५० ते ६० गायी, म्हशी व बैलांची आवक झाली होती. त्यानंतर दुसऱ्या आठवड्यात अधिक नियोजन आणि तयारीमुळे या संख्येत आणखी वाढ झाली. दर आठवड्याला परिसरातील अनेक शेतकरी आपल्या गरजेनुसार गाय, म्हैस व बैल खरेदी-विक्रीसाठी बाजारात दाखल होत आहेत..Livestock Market : बुलडाणा जिल्ह्यात जनावरांच्या खरेदी-विक्रीवर बहिष्कार.एकेकाळी पुणे जिल्ह्यातील प्रमुख पशुधनांच्या बाजारांत यवतचा बाजार सर्वात मोठा समजला जात होता. येथे होणाऱ्या उलाढालींमुळेच यवतची बाजारपेठ शेतकऱ्यांसाठी देवाणघेवाण आणि खरेदी-विक्रीचे महत्त्वाचे केंद्र होते. पण, दहा वर्षांपूर्वी तो बंद पडला. तेव्हापासून पशुधनांची खरेदी-विक्री करण्यासाठी शेतकऱ्यांना काष्टी (ता.दौंड) सह इतर दूरच्या बाजारपेठांमध्ये जावे लागत होते..Motala Livestock Market : जातिवंत जनावरांसाठी प्रसिद्ध मोताळ्याचा बाजार.यातून त्यांना वाढता वाहतूक खर्च, वेळेचा अपव्यय आणि विविध गैरसोयी आदींचा सामना करावा लागत होता. त्यामुळे बंद पडलेला बैल बाजार पुन्हा सुरू करण्याची मागणी शेतकरी करत होते. त्यानुसार, हा बाजार पुन्हा सुरू होऊन पूर्वपदावर येत असल्याचे पाहून परिसरातील शेतकऱ्यांना मोठा दिलासा मिळाला आहे..सुविधांमध्ये भरदौंड कृषी उत्पन्न बाजार समितीच्या जागेत हा बाजार भरू लागला आहे. त्यासाठी येथील मैदान मुरूम टाकून सपाट करण्यात आले असून पशुधनासाठी पिण्याच्या पाण्याची टाकी उभारण्याचे काम सुरू आहे. हा बाजार सुरू झाल्यामुळे गावातील आठवडी बाजारातील उलाढालही वाढली असून त्यामुळे स्थानिक व्यापारी, किरकोळ विक्रेते आणि सेवा पुरवठादारांना फायदा होत आहे, असे यवतचे सरपंच समीर दोरगे यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.