Nagpur News: गाईला राज्यमातेचा दर्जा देण्यासोबतच गाईंच्या उत्कर्षासाठी म्हणून गोसेवा आयोगाची स्थापना करणाऱ्या महाराष्ट्रातच गोशाळांना देण्यात येणारा परिपोषणाचा निधी गेल्या सहा महिन्यांपासून थकल्याचे धक्कादायक वास्तव समोर आले आहे. गोसेवा आयोगाकडून सुमारे ६४ कोटी रुपयांची मागणी याकामी करण्यात आली होती. परंतु शासनाकडून केवळ दहा कोटी रुपयांचीच तरतूद करण्यात आल्याने यातून गाईंचे केवळ एका महिन्याचेच परिपोषण शक्य झाले. .गोवंश हत्या बंदी कायद्यानंतर भाजपप्रणीत अनेक राज्यांमध्ये गाईंची कशी काळजी घेतली जाते याची स्पर्धाच लागली. महाराष्ट्र सरकारने तर एक पाऊल पुढे टाकत गाईला राज्यमाता दर्जा जाहीर केला. गोवंशाची काळजी घेतली जावी याकरिता स्वतंत्र गोसेवा आयोगाची स्थापना करण्यात आली. एवढ्यावरच न थांबता महाराष्ट्र सरकारने गोशाळांमधील देशी गाईंकरिता ५० रुपये प्रति दिवस प्रमाणे निधी देण्याची घोषणा केली. सुरुवातीला हा निधी वितरणात सातत्य होते..Desi Cow Conservation: स्थानिक गोवंशाच्या संवर्धनासाठी डोळस प्रयत्न आवश्यक.२०२५ या वर्षातील जानेवारी, फेब्रुवारी, मार्च या तीन महिन्यांकरिता २० कोटी १ लाख ४२ हजार रुपये गोशाळांना केवळ गाईंच्या परिपोषणाकरिता दिले गेले. त्यानंतर एप्रिल ते सप्टेंबर सहा महिन्यांचे गोशाळांचे परिपोषणाचे पैसे थकित आहेत. त्याकरिता गोसेवा आयोगाकडून ६४ कोटी रुपयांची मागणी शासनाकडे करण्यात आली. वारंवार पाठपुरावा केल्यानंतर केवळ दहा कोटी रुपयांची तरतूद याकामी करण्यात आली. या अत्यल्प रक्कमेतून केवळ एप्रिल महिन्याचा खर्च भागविता आला. त्यावरूनच शासनाचे गोवंश संवर्धनाप्रतीच्या कामाविषयी साशंकता व्यक्त केली जात असून गोशाळा संचालकांमध्ये देखील यामुळे असंतोष वाढीस लागला आहे..Cow Health : गाईंमध्ये प्रसूतीनंतरचा ताण ....असे आहेत निकषशासनाकडून गाईच्या परिपोषणासाठी प्रति दिवस ५० रुपये दिले जातात. त्याकरिता गोशाळा संचालकांना गोसेवा आयोगाच्या दर तीन महिन्यांनी संकेतस्थळावर ऑनलाइन माहिती नोंदवावी लागते. परिपोषण अनुदान प्राप्त गोशाळांकडे ५० गोवंश असावे, गोसेवा आयोगाकडे नोंदणी हवी, जनावरांचे टॅगिंग, राष्ट्रीयीकृत बॅंकेत खाते, तीन वर्षांतील लेखा परीक्षण अहवाल सादर केलेला असावा, असे निकष आहेत. तीन वर्षांवरील देशी (ज्यांना खांदा आहे) गाईंसाठीच हे अनुदान देण्याची तरतूद आहे..आयोगाच्या अध्यक्षांचा प्रतिसाद नाहीगोसेवा आयोगाचे अध्यक्ष शेखर मुंदडा यांच्याशी या विषयावर बोलण्याकरीता वारंवार संपर्क साधण्यात आला. परंतु त्यांच्याकडून प्रतिसाद मिळाला नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
