Electricity Shortage : नाशिक पावसाने दीर्घ खंड दिल्याने खरीप पिकांना पाण्याची गरज वाढली असतानाच ग्रामीण भागातील विस्कळित वीजपुरवठ्याने शेतकऱ्यांची कोंडी केली आहे. विहिरीत पाणी आहे; मात्र कृषिपंपाला वीज नाही. वीज आली तर कमी दाब, मोटार सुरू झाली तर पुन्हा वीज गायब, अशा दुष्टचक्रात कळवण, चांदवड, बागलाण, निफाड आणि येवला तालुक्यांतील शेतकरी अडकले आहेत. गणेशोत्सवातही अनेक गावांत वारंवार वीजखंडित होत असल्याने शेतीसह घरगुती जीवनही विस्कळित झाले आहे..अनेक ठिकाणी पूर्वसूचना न देता वीजपुरवठा खंडित होत असल्याच्या तक्रारी आहेत. पावसाचा खंड, उपलब्ध पाण्याचा ताण आणि त्यात अनियमित वीजपुरवठा, अशी शेतकऱ्यांसमोर तिहेरी कोंडी निर्माण झाली आहे. कमी दाबामुळे कृषिपंप सुरू होत नसल्याच्या तक्रारी आहेत. त्यामुळे विहिरीतील उपलब्ध पाणी असूनही ते पिकांपर्यंत पोहोचविणे अवघड झाले आहे. याचा परिणाम दुग्ध व्यवसाय, दूध शीतकरण, घरगुती कामे आणि विद्यार्थ्यांच्या अभ्यासावरही होत आहे..Agriculture Electricity Issue: राज्यात विजेचाही ‘दुष्काळ’ .शेतशिवारात बिबट्यांचा वावर असताना रात्री कृषिपंप सुरू करण्यासाठी शेतात जाणे धोकादायक ठरत आहे. वीज नसल्याने पिके तहानलेली आणि वीज आली म्हणून शेतात गेले तर वन्यप्राण्यांचा धोका, अशी दुहेरी कोंडी निर्माण झाली आहे, असे चिचोंडी (ता. येवला) येथील शेतकरी राजेंद्र मढवई यांनी सांगितले. सोनेवाडी (ता. निफाड) येथील शेतकरी बाबुराव सानप यांनी कमी दाबामुळे कृषिपंप चालत नसल्याचे सांगितले. सुमारे दीड किलोमीटरच्या वीजवाहिनीमुळे शेवटच्या टोकावरील मोटारींना पुरेसा दाब मिळत नसल्याचे त्यांनी नमूद केले. भारनियमनामुळे सिंचनाचे नियोजनच कोलमडले असल्याचे वाल्मीक सांगळे यांनी सांगितले..सौर प्रकल्पासाठी जमीन; शेतीसाठी वीज नाही!किकवारी खुर्द परिसरातील सुमारे ४२ एकर जमीन सौरऊर्जा प्रकल्पासाठी देण्यात आली आहे. मात्र, त्याच परिसरातील शेतकऱ्यांना पिकांना पाणी देण्यासाठी सुरळीत वीज मिळत नसल्याने संताप व्यक्त होत आहे. जोरन येथे शेतकऱ्यांनी वीज उपकेंद्र गाठून आंदोलन केले आहे. कळवणमध्ये वीजपुरवठा सुरळीत न झाल्यास रास्ता रोकोचा इशारा देण्यात आला आहे. महावितरणने भारनियमनाचे स्पष्ट वेळापत्रक जाहीर करावे, कमी दाबाची समस्या तातडीने सोडवावी आणि रात्रीचे अनावश्यक वीजखंडित थांबवावे, अशी मागणी होत आहे..Rohit Pawar Demands Drought Declaration: शेतीसमोर संकट अधिक गडद? तत्काळ दुष्काळ जाहीर करा, रोहित पवारांची मुख्यमंत्र्यांकडे मागणी, १० मुद्दे केले उपस्थित.शेतकऱ्यांच्या प्रमुख अडचणीअनियमित वीजपुरवठ्यामुळे कमी पाण्याचाही उपसा करता येत नाही.कमी दाबामुळे कृषिपंप सुरू होत नाहीत.रात्री वीज आल्यास बिबट्याच्या भीतीने शेतात जाणे धोकादायक.भारनियमनामुळे सिंचनाचे नियोजन कोलमडले.वीजखंडित झाल्यामुळे दुग्ध व्यवसाय, घरगुती कामे आणि विद्यार्थ्यांच्या अभ्यासावर परिणाम..अघोषित भारनियमन, बिघडलेले वेळापत्रक आणि कमी दाबामुळे विहिरीत पाणी असूनही पिकांना पाणी देता येत नाही. ऐन दुष्काळात पिके डोळ्यांसमोर जळत असून शेतकऱ्यांचे मोठे आर्थिक नुकसान होत आहे.- ऋषिकेश दौंड, शेतकरी, लोणवाडी, ता. निफाड.दोन महिन्यांपासून पाऊस नाही. काही भागात संपूर्ण पावसाळाच कोरडा गेला. उपलब्ध विहिरीच्या पाण्याने पिके वाचवायची म्हटले, तरी दिवसा आठ तासांचा वीजपुरवठाही सुरळीत मिळत नाही. त्यामुळे हाती आलेली पिके वाया जाण्याची वेळ आली आहे.- मधुकर मोरे, शेतकरी, मोरेनगर, ता. सटाणा.भारनियमनाचे प्रमाण वाढल्याने पिकांना पाणी देणे कठीण झाले आहे. त्यात शेतशिवारात बिबट्यांची दहशत असल्याने शेतकऱ्यांना पिकांबरोबरच जीविताचीही चिंता करावी लागत आहे.- वाल्मीक सांगळे, उत्तर महाराष्ट्र अध्यक्ष, रयत क्रांती संघटना.अनिश्चित वीजखंडित होत असताना केवळ ‘आपत्कालीन भारनियमन’ सांगून परिस्थिती झाकता येणार नाही. अधिकाऱ्यांनी प्रत्यक्ष गावात जाऊन स्थिती पाहावी. सायंकाळी सात ते दहा या वेळेत वीजपुरवठा खंडित होऊ नये, यासाठी तातडीने कार्यवाही करावी.- दिलीपराव बनकर, आमदार, निफाड विधानसभा मतदारसंघ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
