Pune News : ‘‘पुणे जिल्हा मध्यवर्ती सहकारी बँकेच्या माध्यमातून आंबेगाव तालुक्यातील नऊ हजार ४७६ शेतकऱ्यांना रब्बी हंगामासाठी ६६ कोटी ५१ लाख ७१ हजार रुपयांचे पीक कर्ज वाटप करण्यात आले,’’ अशी माहिती पुणे जिल्हा मध्यवर्ती सहकारी बँकेचे आंबेगाव तालुका विभागीय अधिकारी विष्णू गायकवाड यांनी दिली..मंचर (ता. आंबेगाव) येथे जिल्हा बँकेच्या शाखेत शेतकरी किसन भेके यांच्या बँक खात्यावर कर्ज रक्कम जमा केल्यानंतर त्यांना बँकेचे पासबुक गायकवाड यांच्या हस्ते देण्यात आले. या वेळी वसुली अधिकारी नितीन थोरात, सहाय्यक विभागीय अधिकारी एल. बी. थोरात व विकास अधिकारी राजेश पाचारणे उपस्थित होते..Crop Loan : पीक कर्ज वितरण आढावा बैठकच नाही.श्री. गायकवाड म्हणाले ‘‘ज्येष्ठ संचालक व माजी सहकार मंत्री दिलीप वळसे पाटील यांच्या मार्गदर्शनाखाली, तालुक्यातील १५ शाखांशी संलग्न ५० विविध कार्यकारी सहकारी सोसायट्यांमार्फत १ ऑक्टोबर ते १८ ऑक्टोबरपर्यंत कर्ज वाटप केले आहे..Crop Loan: खरीप हंगामात केवळ ३५ टक्के पीककर्ज वाटप.यावर्षी तालुक्याला रब्बी हंगामासाठी ८८ कोटी ३५ लाख रुपयांचे पीककर्ज वितरणाचे उद्दिष्ट असून, येत्या आठवडाभरात संपूर्ण कर्जवाटप प्रक्रिया पूर्ण होणार आहे, कांदा, बटाटा आणि टोमॅटो या पिकांसाठी शेतकऱ्यांना कर्ज उपलब्ध करून दिले जाते..मुदतीत परतफेड करणाऱ्या शेतकऱ्यांना शून्य टक्के व्याजदराने कर्ज सुविधा मिळते.’’ श्री. वळसे पाटील यांनी सर्व विकास संस्थांना आवाहन केले, की फक्त पीक कर्जवाटपावर मर्यादित न राहता, गावोगावी रोजगारनिर्मितीस चालना देणारे विविध व्यवसायही सुरू करावेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
