Parbhani News : या वर्षीच्या (२०२५) खरीप हंगामात १५ ऑगस्टपर्यंत परभणी जिल्ह्यातील विविध बँकांनी ७६ हजार ८४० शेतकऱ्यांना ६७२ कोटी ९३ लाख रुपये (४४.५२ टक्के) पीककर्ज वाटप केले.त्यात ८ हजार ९४६ शेतकऱ्यांना १२२ कोटी ३३ लाख रुपये एवढे नवीन पीक कर्ज वाटप असून ६७ हजार ६०८ शेतकऱ्यांनी ५५० कोटी ६० लाख रुपये पीककर्जाचे नूतनीकरण केले आहे..या वर्षी खरिपात परभणी जिल्ह्यातील बँकांना १ हजार ५११ कोटी ६० लाख रुपये पीककर्ज वाटपाचे उद्दिष्ट देण्यात आले आहे. १५ ऑगस्टअखेरपर्यंत जिल्हा मध्यवर्ती सहकारी बँकेने २१० कोटी रुपये उद्दिष्ट असतांना २१४ कोटी ९२ लाख रुपये पीककर्ज वाटप केले. जिल्हा बँकेने आजवर ५५८ शेतकऱ्यांना २ कोटी ८७ लाख रुपये नवीन पीककर्ज वाटप केले असून, ३९ हजार ७१३ शेतकऱ्यांनी २१२ कोटी ५ लाख रुपये एवढ्या पिककर्जाचे नूतनीकरण करून घेतले..Crop Loan Target : ‘डीसीसी’कडून पीककर्जाचे उद्दिष्ट साध्य.महाराष्ट्र ग्रामीण बँकेने ३३९ कोटी १३ लाख रुपये पैकी २०७ कोटी १६ लाख रुपये पीककर्ज वाटप केले. त्यात २ हजार २१६ शेतकऱ्यांना २३ कोटी ६ लाख रुपये नवीन पीककर्ज तर १६ हजार २१ शेतकऱ्यांनी १८४ कोटी २१ लाख रुपये पीककर्जाचे नूतनीकरण करून घेतलेले आहे. राष्ट्रीयीकृत (व्यापारी) बँकांनी ८२७ कोटी ३३ लाख रुपये पैकी २२५ कोटी २७ लाख रुपये पीककर्ज वितरित केले. .Crop Loan : पीककर्ज वाटपात लातूर जिल्ह्याची गाडी सुसाट.त्यात ५ हजार ४३१ शेतकऱ्यांना ७५ कोटी ९६ लाख रुपये नवीन पीककर्ज असून, ११ हजार ६६८ शेतकऱ्यांनी १४९ कोटी ३१ लाख रुपये पिककर्जाचे नूतनीकरण केले आहे. खासगी बँकांचे १३५ कोटी १४ लाख रुपये पैकी २५ कोटी ५८ लाख रुपये पीककर्ज वाटप केले .त्यात ७४१ शेतकऱ्यांना २० कोटी ४४ लाख रुपयांचे नवीन पीककर्ज व २०६ शेतकऱ्यांनी ५ कोटी १४ लाख रुपये पिककर्जाचे नूतनीकरण केले आहे. २०२४ मध्ये १५ ऑगस्ट अखेरपर्यंत ७४ हजार ७५५ शेतकऱ्यांना ५९८ कोटी ७६ लाख रुपये (४०.७१टक्के) पीककर्ज झाले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
