Nagpur News : ई-पीकपाहणी नोंदीशिवाय हमीभाव खरेदी होत नाही, त्यामुळे यंदाच्या खरीप हंगामातील नोंदणीसाठी ऑफलाइन पद्धतीने १५ जानेवारीपर्यंत पीकपाहणी नोंदणी करण्यात येणार आहे. यासाठी प्रांताधिकाऱ्यांच्या अध्यक्षतेखाली समिती नेमण्यात येणार असून, ती समिती पडताळणीनंतरच नोंदणी करेल, अशी घोषणा महसूलमंत्री चंद्रशेखर बावनकुळे यांनी शनिवारी (ता.१३) विधानसभेत केली. .भाजपचे आमदार विक्रम पाचपुते, तानाजी मुटकुळे, योगेश सागर, देवराव भोंगळे या सदस्यांनी याबाबत लक्षवेधी सूचना उपस्थित केली. यावरील चर्चेदरम्यान महसूलमंत्री बावनकुळे यांनी ही घोषणा केली..Grape Farming Registration: द्राक्ष निर्यातीसाठीच्या शेतकरी नोंदणीला सांगलीत प्रारंभ.श्री. पाचपुते म्हणाले, ‘‘ई-पीकपाहणी शेतकऱ्यांनी करावी असे अपेक्षित आहे. मात्र, अनेक ठिकाणी नेटवर्क नाही, जीपीएस सिग्नल नाही, तसेच काही शेतकऱ्यांकडे स्मार्ट फोन नाहीत. त्यामुळे ॲप डाउनलोड करता येत नाही. यापूर्वी पीक पाहणीची नोंद तलाठी करत होता. आता तलाठ्यांना पीकपाहणी सहाय्यक म्हणून नेमण्यात आले आहे..हे सहायक प्रत्येक गावात जात नाहीत. पीक पाहणी नोंदी करण्यासाठी लॉग-इन करण्याची परवानगी मिळायला हवी. या वर्षी ७९.६ टक्के शेतकऱ्यांची ई-पीक पाहणी झाली आहे. त्यामुळे २१ टक्के शेतकऱ्यांची ई-पीकपाहणी झालेलीच नाही, हे सरकार मान्य करीत आहे. मका, सोयाबीन, तूर आणि धान खरेदीसाठी सातबारा उताऱ्यावर नोंद नसल्याने अडचणी निर्माण होत आहेत..E-Peek Pahani : तीन लाख ९८ हजार हेक्टरवर ई-पीकपाहणी .त्यामुळे ऑफलाइन पीकपाहणी नोंदणी करावी.’’ यावर श्री. बावनकुळे म्हणाले, की आतापर्यंत तीन वेळा मुदतवाढ दिली आहे. तरीही ज्यांच्या उताऱ्यावर ई-पीकपाहणी नोंद नाही. अशा शेतकऱ्यांसाठी १५ जानेवारीपर्यंत मुदतवाढ देऊ. त्यासाठी प्रांताधिकाऱ्यांच्या अध्यक्षतेखाली समिती नेमण्यात येईल. या समितीत तहसीलदार आणि गटविकास असतील. या समितीकडे अर्ज आल्यानंतर पंचनामा केला जाईल. खरीप हंगामात खरेच पीक होते का याची स्थळपाहणी केली जाईल. .ही समिती आपला अहवाल जिल्हाधिकाऱ्यांना पाठवेल. नंतर तो अहवाल पणन विभागाला सादर करण्यात येईल. तसेच तो केंद्र सरकारलाही पाठवावा लागेल. यासाठी १५ जानेवारीपर्यंत आलेल्या अर्जांचा विचार केला जाईल. मात्र, यात धोका असा आहे, की व्यापारी त्याचा फायदा घेऊ शकतात. ज्या शेतकऱ्याच्या सातबाऱ्यांवर ई-पीकपाहणी नोंद नाही, त्यांच्या सातबाऱ्यावर नोंदी करून फायदा घेऊ शकतात. त्यामुळे त्याबाबत यंत्रणेने दक्ष असायला हवे.’’.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
