ऑक्टोबर-२०२५ मध्ये झालेला अवकाळी पाऊस आणि अतिवृष्टीमुळे शेतीपिकांच्या नुकसानीपोटी शासनाकडून जाहीर करण्यात आलेली मदत अद्याप शेतकऱ्यांच्या खात्यात जमा झाली नाही. त्याल्याने शिरूर तालुक्यात शेतकऱ्यांकडून नाराजी व्यक्त करण्यात येत आहे. महसूल विभागाच्या दिरंगाईमुळे तब्बल ७६० शेतकरी अजूनही मदतीच्या प्रतीक्षेत असून, नुकसानग्रस्त शेतकऱ्यांकडून तीव्र आंदोलनाचा इशारा देण्यात आला आहे..ऑक्टोबर-२०२५ मध्ये पाऊस आणि अतिवृष्टीमुळे तालुक्यातील सुमारे ४१५ हेक्टर क्षेत्र बाधित झाले होते. या क्षेत्रावरील पंचनामे त्यावेळी तत्काळ पूर्ण झाले असले तरीही प्रत्यक्ष मदत वितरणात मोठा विलंब होत असल्याचे दिसून येत आहे..Crop Damage Compensation: नाशिक, जळगावमधील १७ हजार शेतकऱ्यांना दिलासा, अवकाळीने झालेल्या नुकसानीपोटी १७ कोटी मदत मंजूर.शासनाने हेक्टरी १० हजार रुपयांची मदत जाहीर करून निधीला मान्यता दिली होती. मात्र प्रत्यक्षात सुमारे ७० लाख रुपयांची मदत अद्याप प्रलंबित असल्याची धक्कादायक बाब समोर आली आहे..Farmer Compensation: भरपाईची रक्कम मुख्यमंत्री साह्यता निधीत जमा करा.अहवालानुसार, आतापर्यंत केवळ ६० टक्के शेतकऱ्यांनाच मदत मिळाली असून उर्वरित शेतकरी अजूनही प्रतीक्षेत आहेत. शासनाने १५ दिवसांत मदत देण्याचे आश्वासन दिले होते. परंतु, अनेक महिन्यांनंतरही निधी न मिळाल्याने शेतकरी आर्थिक संकटात सापडले आहेत. दरम्यान, नुकत्याच झालेल्या गारपिट आणि पावसाने पिकांचे नुकसान झाले आहे. मागील मदत न मिळाल्याने नव्या संकटांमुळे शेतकरी हवालदिल झाला आहे..‘‘नैसर्गिक आपत्तीची मदत वेळेत न देणे म्हणजे शासन शेतकऱ्यांच्या प्रश्नांकडे गांभीर्याने पाहत नाही,’’ अशी तीव्र प्रतिक्रिया ज्येष्ठ सामाजिक कार्यकर्ते व भाजपच्या किसान मोर्चाचे प्रदेश सदस्य सुभाष कांडगे यांनी व्यक्त केली. तसेच, प्रलंबित मदत शासनाने तत्काळ नुकसानग्रस्त शेतकऱ्यांच्या खात्यात जमा न केल्यास तीव्र आंदोलन छेडले जाईल, असा इशाराही कांडगे यांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
