Chandrapur News: गोसेखुर्द उजवा कालवा प्रकल्पाच्या क्रिटिकल पॅच व इतर भागातील बांधकाम शिल्लक असल्याच्या कारणावरून पाटबंधारे विभागाने उन्हाळी धान पिकास पाणी देण्यास नकार दिला. या विरोधात पाटबंधारे विभागाच्या कार्यालयास कुलूप ठोकून रस्त्यावर ठिय्या आंदोलन करण्यात आले. या आंदोलकांवर पोलिसांनी गुन्हे दाखल केले..उन्हाळी हंगामातील धान पिकासाठी पाणी मिळावे यासाठी लाभक्षेत्रातील ५६ पाणी वापर संस्थेच्या सदस्यांनी १३ नोव्हेंबर २०२५ रोजी गोसीखुर्द उजवा प्रकल्पाच्या सायगाटा कार्यालयासमोर आंदोलन केले होते..Mohol Water Issue : मोहोळमधील चार गावांचा पाणीप्रश्न निकाली.त्या वेळी पाटबंधारे विभागाने २० नोव्हेंबरपर्यंत वेळ मागून घेतली होती. त्यामुळे शेतकऱ्यांनी आंदोलन स्थगित केले. मात्र पाटबंधारेच्या गोसेखुर्द उजवा कालवा विभागाने एका पत्राद्वारे गोसेखुद प्रकल्पाच्या क्रिटिकल पॅच व इतर भागातील बांधकाम करावयाचे आहे, असे कारण देऊन पाणी देण्यास नकार दिला..Marathwada Water Issue : समन्यायी कायद्यानुसारच पाणी मिळविणार ; मराठवाडा पाणी परिषदेचा निर्धार.त्यामुळे शेतकऱ्यांनी सायगाटा कार्यालयासमोरील नागभीड-ब्रह्मपुरी राष्ट्रीय महामार्ग अडवून धरला. त्यानंतर सायगाटा येथील पाटबंधारे विभागाच्या कार्यालयास कुलूप ठोकले. शेतकरी नेते विनोद झोडगे यांच्या नेतृत्वात हे आंदोलन करण्यात आले. अधिकारी येत नाहीत तोपर्यंत आम्ही रस्त्यावर बसू, अशी भूमिका आंदोलनकर्त्यांनी घेतली. काही वेळाने कार्यकारी अभियंता एस. एन. मोरे आंदोलनस्थळी आले. त्यांनी आंदोलकांचे म्हणणे ऐकून घेतले. मात्र शेतकऱ्यांच्या मागण्या मान्य करण्यास ते असमर्थ ठरले..आंदोलनामुळे या मार्गावरील वाहतूक ठप्प पडली होती. पोलिसांनी २० ते २५ शेतकऱ्यांना ताब्यात घेऊन अटक केली. त्यानंतर काही वेळानंतर त्यांची सुटका केली. या प्रकरणात १५ ते २० लोकांवर गुन्हे नोंदविण्यात आले. आंदोलनात ब्रह्मपुरी, नागभीड आणि सावली तालुक्यांतील लाभ क्षेत्राच्या गावांतील नागरिक, महिला मोठ्या संख्येने सहभागी झाले. आम्हाला आमच्या हक्काचे पाणी मिळत नाही तोपर्यंत आम्ही आंदोलन करू, अशी भूमिका आंदोलकांनी घेतली. नागपूर विभागीय सिंचन कार्यालयाला घेरावाचा इशारा देण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
