Cotton Farming : नागपूर कापूस उत्पादकता वाढविण्यासाठी कृषी विभागाने यंदा राबविलेल्या ‘कपास क्रांती’ योजनेला पूर्व विदर्भातील शेतकऱ्यांचा प्रतिसाद मिळाला आहे. वर्धा, नागपूर, चंद्रपूर आणि गडचिरोली या चार जिल्ह्यांत १५ हजार १६१ हेक्टरवर कपाशीची लागवड करण्यात आली आहे. योजनेसाठी विभागाला २८ कोटी ८० लाख ४४ हजार रुपयांचा निधी उपलब्ध झाला असून, क्लोजर स्पेसिंग, हाय डेन्सिटी प्लांटिंग (एचडीपीएस), एकात्मिक पीक व्यवस्थापन, शेतकरी प्रशिक्षण, बायोचार आणि कॉटन श्रेडर या घटकांवर हा निधी टप्प्याटप्प्याने खर्च केला जाणार आहे..परंपरागत कपाशी लागवडीतील उत्पादकतेला पर्याय देण्यासाठी कमी अंतरावरील लागवड तसेच अतिघन लागवड पद्धतीला प्रोत्साहन देण्यात येत आहे. जूनच्या पहिल्या आठवड्यात ऑनलाइन अर्ज मागविण्यात आले होते. त्यानुसार शेतकरी गटांनी सहभाग नोंदविला. योजनेतून शेतकऱ्यांना अद्ययावत लागवड तंत्रज्ञानासोबत बियाणे, एकात्मिक पीक व्यवस्थापन आणि पीक पद्धतीनुसार प्रशिक्षण दिले जात आहे. .Medicinal Vegetables Farming: उत्तराखंडमध्ये औषधी भाज्यांनी उंचावले शेतकऱ्यांचे अर्थकारण .योजनेच्या निधीत क्लोजर स्पेसिंगसाठी ८ कोटी १७ लाख ८८ हजार रुपये, एचडीपीएससाठी १७ कोटी ३८ लाख ८१ हजार, एकात्मिक पीक व्यवस्थापनासाठी ९२ लाख ५५ हजार, शेतकरी प्रशिक्षणासाठी २१ लाख ९० हजार, बायोचारसाठी २ लाख ९० हजार, तर कॉटन श्रेडरसाठी २ कोटी ६ लाख ४० हजार रुपये तरतूद आहे. त्यामुळे केवळ लागवड पद्धतीत बदल न करता उत्पादन खर्च, पीक व्यवस्थापन आणि यांत्रिकीकरणाला चालना देण्याचा प्रयत्न आहे..Dodka Production: दोडका उत्पादनात एकरी तीन ते सहा टन वाढ.वर्ध्यात सर्वाधिक लागवडजिल्हानिहाय पाहता वर्ध्यात क्लोजर स्पेसिंगचे २,१४९ हेक्टर आणि एचडीपीएसचे ३,३८७ हेक्टर क्षेत्र आहे. नागपूरमध्ये अनुक्रमे १,७९३ आणि २,८६० हेक्टर, चंद्रपूरमध्ये १,८११ आणि २,९९९ हेक्टर, तर गडचिरोलीत ८९ आणि १५३ हेक्टर क्षेत्रावर लागवड झाली आहे. या आकडेवारीनुसार एचडीपीएस पद्धतीला चारही जिल्ह्यांत तुलनेने अधिक प्रतिसाद मिळाला आहे..हेक्टरमागे अनुदानक्लोजर स्पेसिंग पद्धतीने कपाशीची लागवड करणाऱ्या शेतकऱ्यांना प्रति हेक्टर १४ हजार रुपये, तर सधन कपाशी लागवड अर्थात एचडीपीएससाठी प्रति हेक्टर १८ हजार ५०० रुपये अनुदान देण्यात येत आहे. तंत्रज्ञान, अनुदान आणि प्रशिक्षणाच्या माध्यमातून कपाशीची उत्पादकता वाढविण्यावर कृषी विभागाचा भर आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
