Pune News: आयातीवर लागू झालेले शुल्क आणि बाजारातील कमी आवक तसेच सरकीच्या दरातील तेजी यामुळे १ जानेवारीपासून कापसाच्या भावात चांगली सुधारणा झाली आहे. सरासरी भाव आता हमीभावर पोचले आहेत. तर अकोट बाजारात उचांकी ८ हजार रुपये दर मिळाला आहे. कापसाच्या दराला पुढील काळातही मजबूत आधार राहील, असा अंदाज कापूस बाजारातील अभ्यासकांनी व्यक्त केला आहे..देशातील उत्पादन यंदा कमी झाले आहे. काॅटन असोसिएशन ऑफ इंडियाने यंदा ३०९ लाख गाठींचा अंदाज दिला. पण बाजारातील अभ्यासकांच्या मते २८० लाख गाठींच्या दरम्यान स्थिरावले. त्यात आयात शुल्क लागू झाल्याचा परिणाम दरावर दिसून आला. देशातील बाजारात १ जानेवारीपासून कापूस दरात ५०० ते एक हजारांपर्यंत वाढ झाली आहे. सरासरी बाजारभाव ५०० रुपयांपर्यंत सुधारले आहेत. तर चांगल्या प्रतिचा कापूस एक हजारांपर्यंत वाढला आहे. १ जानेवारीपासून कापूस आयातीवर ११ टक्के शुल्क लागू झाले आहे. त्यामुळे आयात कापूस महाग पडणार आहे..Cotton Rate: कापूसदरात आशादायक उसळी.विक्रमी आयात होणारकापसाची आयात यंदा विक्रमी होणार आहे. पण देशातील उत्पादनच कमी असल्याने दरात सुधारणा झाली आहे. देशात ३१ डिसेंबरपर्यंत ३२ लाख गाठींपर्यंत आयात झाल्याची शक्यता आहे. तर पुढील काळात २० लाख गाठींपर्यंत आयात होऊ शकते, असा अंदाज अभ्यासकांनी व्यक्त केला आहे..सीसीआयनेही वाढवला भावआयात खुली असताना सीसीआयच्या खरेदीचा बाजाराला चांगला आधार मिळाला आहे. सीसीआयने आतापर्यंत ७५ लाख गाठींच्या दरम्यान कापूस खरेदी केल्याची शक्यता आहे. पण खुल्या बाजारातच भाव हमीभावाच्या दरम्यान पोचल्याने खरेदीचा वेग कमी होणार आहे. दुसरीकडे खुल्या बाजारात कापसाचे भाव वाढत असल्याने सीसीआयनेही कापूस विक्रीचे भाव खंडीमागे ८०० ते १२०० रुपयांपर्यंत वाढले आहेत. गेल्या हंगामातला जवळपास ९९ टक्के कापूस सीसीआयने विकला आहे..Cotton Rate: कापूस भावाची वाटचाल ९ हजारांच्या दिशेने सुरु.सरकीचेही दर वाढलेकापसाच्या दराला यंदा सरकीचा चांगला आधार मिळत आहे. देशातील सरकीचे उत्पादन यंदा घटले आहे. तर तेल आणि ढेपेसाठी मागणी टिकून आहे. यामुळे सरकीचे दर वाढले आहेत. मागील आठवडाभरातच सरकीचे दर ३०० रुपयांपर्यंत वाढले आहेत. सरकीचा भाव आता ३ हजार ८०० ते ४२०० रुपयांच्या दरम्यान पोचले आहेत. सरकीच्या दरातील वाढीमुळे कापूस दरवाढीला आधार मिळत आहे..कापसाला मजबूत आधारसध्या कापूस दराला चांगला आधार मिळत आहे. आयातीवर ११ टक्के लागू आहे. रुपयाचे मूल्यही घटलेले आहे. यामुळे आयात कापूस महाग पडत आहे. तसेच सरकीच्या दरात तेजीचे संकेत आहेत. यामुळे सरासरी कापूस दरात आणखी सुधारणा होण्यास पोषक वातावरण आहे, असा अंदाज कापूस बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
