Jalgaon News: कापूस दरात नोव्हेंबर, डिसेंबरमध्ये मोठी घसरण सुरू होती. शासकीय यंत्रणा म्हणजेच भारतीय कापूस महामंडळाच्या (सीसीआय) खरेदी केंद्रांत शेतकऱ्यांनी कापसाची विक्री केली, मात्र या ठिकाणी शेतकऱ्यांकडून हमालीपोटी क्विंटलमागे २० ते ३० रुपये वसूल करण्यात आले. .कापूसदर अस्थिर असताना शासकीय कापूस खरेदीस प्रतिसाद मिळाला. आता कापूसदर स्थिर असून, शासकीय केंद्रात फारशी कापूस विक्री सुरू नाही. नोव्हेंबर, डिसेंबरमध्ये मोठ्या प्रमाणावर ‘सीसीआय’च्या खरेदी केंद्रांत खानदेशात कापूस विक्री झाली..CCI Cotton Procurement: ‘सीसीआय’च्या कापूस खरेदीला शेतकऱ्यांचा प्रतिसाद कमी.‘सीसीआय’च्या खरेदी केंद्रात कापूस विक्रीसाठी आणल्यानंतर तेथे तोलकाट्यावर कापसाची तोलाई केली जाते. या तोलाईचे ८० ते १०० रुपये शेतकऱ्यांना खर्च करावे लागले. यानंतर कापूस साठवणगृह किंवा साठवणीसंबंधीच्या भागात आणल्यानंतर तेथे वाहनातून काढून ढिगावर टाकला जातो..CCI Cotton Procurement: दहा हजार शेतकऱ्यांकडून ‘सीसीआय’ला कापूस.कापूस वाहनातून काढण्यासंबंधी किंवा या हमालीसाठी विविध खरेदी केंद्रांत वेगवगळे दर आकारले गेले आहेत. त्यासाठी एका क्विंटलमागे २० ते ३० रुपये आकारणी झाली आहे. काही केंद्रांत सरसकट ४० रुपये प्रति क्विंटल, अशी हमाली शेतकऱ्यांकडून वसूल करण्यात आली आहे. कापूस अधिक असल्यास हमालीव्यतिरिक्त खुशालीदेखील संबंधित कर्मचाऱ्यांना द्यावी लागली. .जळगाव जिल्ह्यातील जळगाव, पाचोरा, जामनेर तालुक्यांतील सीसीआय केंद्रांत हा प्रकार सर्रास झाला आहे, अशी माहिती एका शेतकऱ्याने दिली. हा प्रकार नियमानुसार असेल तर त्याची पावती द्यायला हवी होती. नियमबाह्य असल्यास योग्य ती दखल प्रशासनाने घ्यावी, असा मुद्दाही शेतकरी उपस्थित करीत आहेत..कुठलीही पावती अथवा नोंद नाहीशेतकऱ्यांकडून सीसीआयच्या केंद्रात हमाल बांधवांनी हमालीपोटी निधी घेतला. पण पैशांची कुठलीही पावती शेतकऱ्याला दिली गेली नाही. तसेच त्याची कोणतीही नोंद कापूस खरेदी केंद्रातील अधिकारी किंवा कुणी अन्य व्यक्ती यांच्याकडे नाही. काही वेळेस क्विंटलमागे २०, तर काही वेळेस क्विंटलमागे ३० रुपये घेण्यात आले. शेतकऱ्यांनी देखील आपली अडवणूक होईल, या भीतीने हमाली खर्च केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
