Pune News: ब्राझीलसह प्रमुख कापूस उत्पादक देशांमध्ये कापसाचे भाव कमी आहेत. आयात खुली केल्याने भारतातही कापसाची आयात वाढत आहे. देशात मात्र पावसामुळे उत्पादनासह गुणवत्तेलाही फटका बसला. त्यामुळे देशात कापसाचे भाव स्थिरावले आहेत. .सध्या देशांतर्गत बाजारपेठांत कापसाचे भाव हमीभावापेक्षा किमान एक हजाराने कमी आहेत. त्यामुळे शेतकऱ्यांनी सीसीआयला कापूस विकावा, असे आवाहन अभ्यासकांनी केले आहे. आंतरराष्ट्रीय बाजारात कापसाच्या भावावर दबाव आहे. जागतिक पातळीवर यंदा कापसाची लागवड दीड टक्क्यांपर्यंत कमी झाली. मात्र काही देशांमध्ये यंदा कापसाची उत्पादकता वाढण्याचा अंदाज आहे. त्यामुळे उत्पादन गेल्या वर्षी एवढेच राहण्याची शक्यता आहे. दुसरीकडे कापसाचा वापर कमी होण्याचा अंदाज आहे. त्यामुळे मागणी मंदावली आहे. या परिस्थितीमुळे कापसाचे भाव दबावात आहेत..Cotton Procurement: कापसाची खरेदी मर्यादा यंदा कमी असल्याने रोष.ब्राझीलचा कापूस स्वस्तआंतरराष्ट्रीय बाजारात सध्या ब्राझीलचा कापूस स्वस्त आहे. ब्राझीलमध्ये कापसाचा पुरवठा चांगला आहे. डाॅलरच्या तुलनेत ब्राझीलच्या चलनाचे मूल्य कमी झाले. तसेच जागतिक बाजारात अनिश्चित परिस्थिती असल्याने कमी झालेले करार, या सर्व कारणांमुळे ब्राझीलमध्ये कापसाचे भाव कमी आहेत. त्याचा परिणाम अमेरिकेसह इतर देशांतील कापसाच्या दरावर होत आहे..खुल्या बाजारात कमी भावपावसामुळे कापसाच्या गुणवत्तेवर परिणाम झाला आहे. कापसात कचरा जास्त येत आहे. तसेच काही भागात कापसाचा रंगही बदलला आहे. हा कापूस सीसीआय खरेदी करत नाही. खरेदी केंद्रांवर असा कापूस नाकारला जात आहे. त्यामुळे शेतकऱ्यांना हा कापूस कमी भावात खुल्या बाजारात विकावा लागत आहे. आधीच उत्पादन कमी आणि त्यात कमी भाव यामुळे शेतकरी अडचणीत आले आहेत..Cotton Purchase Limit: हमीभावाने कापूस खरेदीची मर्यादा हटवावी.कापसाचे बाजारभावराज्यात सध्या कापूस सरासरी प्रति क्विंटल ६ हजार ७०० ते ७ हजार १०० रुपयांच्या दरम्यान विकला जात आहे. गुजरातमध्ये ६ हजार ९०० ते ७ हजार ३०० रुपये आणि तेलंगणात ६ हजार ८०० ते ७ हजार २०० रुपयाने कापूस विकला जात आहे. उत्तर भारतात कापसातील ओलावा कमी असल्याने भाव ७ हजार २०० ते ७ हजार ५०० रुपयांच्या दरम्यान आहेत..देशात उत्पादन कमीभारतात कापसाचे उत्पादन यंदा मोठ्या प्रमाणात कमी झाल्याचे अभ्यासकांचे म्हणणे आहे. तसेच कापसाची गुणवत्ताही खालावली आहे. त्यामुळे आयात वाढूनही देशात कापसाचे भाव स्थिर दिसत आहेत. पण देशात गुणवत्तापूर्ण कापसाचे उत्पादन यंदा कमी राहण्याची शक्यता असल्याने आयातही वाढू शकते, असा अंदाज आयातदारांनी व्यक्त केला. केंद्राने ३१ डिसेंबरपर्यंत कापसाची आयात शुल्कमुक्त केली आहे. जानेवारीत शुल्क लागू होईल. याच काळात बाजारातील आवकही कमी होईल. त्यामुळे बाजाराला चांगला आधार राहील, असा अंदाज कापूस बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
