Cotton Price Bhavantar Yojana: राज्यातील शेतकऱ्यांच्या कापसाची किमान आधारभूत किमतीत 'सीसीआय'मार्फत खरेदी केली जात आहे. कापूस हंगाम २०२५-२६ मध्ये 'सीसीआय'ने एकूण १६८ कापूस खरेदी केंद्र सुरु केली. यावर १६ फेब्रुवारी २०२६ पर्यंत ५ लाख २ हजार ५९८ शेतकऱ्यांकडून ८,४९७ कोटी किमतीचा १०६.९९ लाख क्विंटल कापसाची खरेदी करण्यात आली. पण सद्यःस्थितीत कापसासाठी भावांतर योजना राबवण्याचा प्रस्ताव विचाराधीन नाही, असे पणनमंत्री जयकुमार रावल यांनी स्पष्ट केले आहे. याबाबत आमदार संतोष दानवे, अब्दुल सत्तार, विक्रम पाचपुते आणि इतर आमदारांनी प्रश्न विचारला होता. त्यावर पणनमंत्र्यांनी विधानसभेत शुक्रवारी लेखी उत्तरातून माहिती दिली आहे..कापसाला योग्य भाव मिळणे, कपास किसान मोबाईल अॅप व स्लॉट बुकिंगमधील त्रुटी दूर करणे, खरेदी केंद्रे आणि प्रक्रिया, नोंदणी, वजन व दर निश्चितीबाबत तसेच शेतकऱ्यांना दिलासा देण्यासाठी कापसावर बोनस अथवा भावांतर योजना लागू करण्याबाबत शासनाने कोणती कार्यवाही केली आहे आणि त्याच्या विलंबाची कारणे काय आहेत? असे प्रश्न उपस्थित करण्यात आले आहेत. त्यावर पणनमंत्र्यांनी लेखी उत्तरातून माहिती दिली आहे..सीसीआयने कापूस हंगाम २०२५-२०२६ मध्ये कापूस उत्पादक शेतकऱ्यांच्या सोयीसुविधेसाठी आणि खरेदी प्रक्रियेत पारदर्शकता सुनिश्चीत करण्यासाठी 'कपास किसान' या मोबाईल अॅपद्वारे किमान आधारभूत दराने कापूस खरेदी सुरू केली. शेतकऱ्यांना नोंदणी, स्लॉट बुकिंग सुलभ व्हावे आणि अडचणी येऊ नयेत म्हणून सीसीआयने शेतकऱ्यांमध्ये जनजागृती केली. राज्यात एकूण ७.२० लाख शेतकऱ्यांनी 'कपास किसान' अॅपद्वारे यशस्वीरित्या स्वतः नोंदणी केली असून स्लॉट बुकिंग आणि कापूस खरेदी सुरळीतपणे झाल्याचे पणनमंत्र्यांनी म्हटले आहे..SMART Project: कापूस पिशवी घोटाळा जागतिक बँकेच्या दारात.शेतकऱ्यांच्या समस्यांच्या जलद निराकरणासाठी सीसीआयच्या छत्रपती संभाजीनगर विभागीय कार्यालयाने व्हॉटसअॅप हेल्पलाईन उपलब्ध केली आहे. जानेवारी २०२६ मध्ये 'कपास किसान' अॅपमध्ये तांत्रिक अडचणी आल्याची कोणतीही तक्रार सीसीआयकडे प्राप्त झालेली नसल्याचे त्यांनी स्पष्ट केले आहे..CCI Cotton Procurement Stop: कापूस संकटात; सीसीआयची खरेदी आजपासून बंद, मुख्यमंत्र्यांच्या मागणीनंतरही मुदतवाढ नाही.सिल्लोड केंद्रावर कापूस खरेदी सुरळीत सीसीआयमार्फत सिल्लोड कापूस खरेदी केंद्रावर २४ नोव्हेंबर २०२५ पासून कापूस खरेदी सुरू करण्यात आली होती. त्यानंतर ५ डिसेंबर ते २५ डिसेंबर २०२५ दरम्यान खरेदी प्रक्रिया तात्पुरती मंदावली होती. कापूस हंगाम २०२५-२०२६ साठी सिल्लोड कापूस खरेदी केंद्रासाठी नियुक्त केलेल्या सर्व १८ जिनिंग-प्रेसिंग फॅक्टरींना पणन संचालनालयामार्फत ना-हरकत प्रमाणपत्र देऊन सब-यार्ड घोषित केल्याने कापूस खरेदी सुरळीत सुरु झाली. सिल्लोड केंद्रातील जिनिंग-प्रेसिंग फॅक्टरीमधून सीसीआयने १७ फेब्रुवारी २०२६ पर्यंत एकूण ७४,१६३ क्विंटल कापूस खरेदी केला. केंद्र सरकारने जाहीर केलेल्या एमएसपी मार्गदर्शक तत्त्वांनुसार कापूस खरेदी काटेकोरपणे केली. शेतकरी 'कपास किसान' अॅपद्वारे स्व-नोंदणी आणि स्लॉट बुकिंग करतात. सर्व नोंदणीकृत शेतकऱ्यांची कृषी उत्पन्न बाजार समितीमार्फत पडताळणी करण्यात येते. नोंदणीकृत आणि पडताळणी झालेल्या शेतकऱ्यांनी एमएसपी गुणवत्ता मापदंडाचा आणलेला कापूस खरेदी केला जातो. स्लॉट बुक न केलेल्या अथवा ज्यांचा कापूस एमएसपी गुणवत्ता मापदंडाची पूर्तता करत नाही, अशा शेतकऱ्यांकडून कापूस खरेदी केला जात नाही. त्यामुळे नाकारलेला कापूस पुन्हा त्याच केंद्रावर विकण्याचा प्रश्न उद्भवत नाही, असेही त्यांनी नमूद केले आहे. .तसेच श्रीरामपूर केंद्रावर कोणत्याही शेतकऱ्याकडून सीसीआयकडे आणि महाराष्ट्र राज्य सहकारी कापूस उत्पादक पणन महासंघाला एमएसपीने कापूस खरेदीबाबत कोणतीही तक्रार प्राप्त झालेली नाही. जानेवारी २०२६ मध्ये अमळनेर (जि. जळगाव) खरेदी केंद्रावर खरेदी प्रक्रिया, नोंदणी, वजन किंवा किंमत निश्चितीमध्ये समस्या उद्भवल्याची किंवा शेतकऱ्यांच्या विशेष सभेची माहिती/तक्रार आलेली नसल्याचा खुलासाही त्यांनी केला आहे.ज्यांचा कापूस एमएसपी गुणवत्ता मापदंडाची पूर्तता करत नाही, अशा शेतकऱ्यांकडून कापूस खरेदी केला जात नसल्याचे त्यांनी म्हटले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
