Jalgaon News: खानदेशात यंदा कापसाचे उत्पादन कमी असल्याने २२ लाख कापूसगाठींचे (एक गाठ ः १७० किलो रुई) उत्पादन साध्य करण्याचे कारखानदार व इतर संस्थांचे उद्दिष्ट पूर्ण होणार नसल्याची स्थिती आहे. आतापर्यंत खानदेशात सुमारे सात लाख कापूसगाठींचे उत्पादन झाले असून, मागील ५० ते ५५ दिवसांपासून कापसाची आवक बऱ्यापैकी राहिली आहे. .खानदेशात सध्या प्रतिदिन २१ ते २२ हजार क्विंटल कापसाची आवक होत आहे. डिसेंबरमध्ये प्रतिदिन सरासरी २८ हजार क्विंटल कापसाची आवक झाली. या महिन्याच्या पहिल्या पंधरवड्यात प्रति दिन सरासरी २२ ते २३ हजार क्विंटल कापसाची आवक झाली. परंतु मागील सात ते आठ दिवसांत आवकेत काहीशी घट झाली आहे. कारण शेतकऱ्यांकडील कापूससाठा कमी झाला असून, कापूस उत्पादनातही यंदा घट येईल, असे संकेत सुरुवातीपासूनच आहेत..Cotton Production: कापूस उत्पादन वाढण्याचा अंदाज; कापसाच्या भावावर काय परिमाण होईल?.मागील ५० ते ५५ दिवसांपासून जिनिंग प्रेसिंग कारखान्यांतही कापसावर गतीने प्रक्रिया झाली आहे. खानदेशातील कमाल कारखाने ८० ते ९० टक्के क्षमतेने कार्यरत आहेत. तर काही कारखाने वित्तीय अडचणीमुळे कमी क्षमतेने सुरू आहेत. सुमारे १२० कारखाने यंदा सुरू आहेत..शेतकऱ्यांकडील साठा घटलासध्या खानदेशात शेतकऱ्यांकडे सुमारे ३३ ते ३५ टक्के कापूससाठा आहे. शेतकऱ्यांकडील कमाल कापूस कारखानदारांकडे पोहोचला आहे. त्यावर प्रक्रियादेखील झाली आहे. मध्यंतरी कापूसदर कमी होते. परिस्थितीही अस्थिर होती. नोव्हेंबरमध्ये खानदेशात खेडा किंवा थेट खरेदीत कापसाला ५५०० ते ६२०० रुपये प्रति क्विंटलचा दर मिळाला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
