Cotton Farmers Demand: सध्याच्या दुष्काळाच्या परिस्थितीत सरकारने परदेशातून आयात होणाऱ्या कापसावर २० टक्के आयात शुल्क लागू करावे, अशी मागणी वंचित बहुजन आघाडीचे अध्यक्ष ॲड. प्रकाश आंबेडकर यांनी केली आहे. यासाठी सरकारला आम्ही १० ते १५ दिवसांची मुदत देत आहोत. या कालावधीत निर्णय न झाल्यास आंदोलन करु, असा इशारा त्यांनी दिला..ते आज नागपुरात पत्रकार परिषदेत बोलत होते. सरकारने सध्या १७ टक्के असलेल्या शुल्कात ३ टक्के वाढ करुन ते २० टक्क्यांवर न्यावे. ही आमच्या सोबत असलेल्या सर्व शेतकरी संघटना आणि आमची मागणी आहे. २० टक्के शुल्क लागू केले तर देशभरातील कापूस उत्पादक शेतकऱ्याला दिलासा मिळेल, असे त्यांनी नमूद केले. .Tur Cotton Rate: तुरीच्या दरात सुधारणा कायम; कापसाचे भाव टिकून, काकडीच्या दरात बदल, मेथीची आवक वाढली तर डाळिंबाच्या भावात चढ-उतार.दुष्काळग्रस्त परिस्थितीत शासनाला मदत करता येत नसेल, तर शासनाने बाजाराच्या माध्यमातून शेतकऱ्यांना मदत करावी. जर हे आयात शुल्क लावले तर कापसाचा भाव नऊ ते साडे नऊ हजार होऊ शकतो, असा दावा त्यांनी केला. .Parbhani Cotton Rate: परभणी बाजार समितीत मुहूर्तावर कापसाला मिळाला ९८०० रुपये दर.ब्राझीलकडे कापूस मोठ्या प्रमाणात आहे. या पार्श्वभूमीवर आयात कापसामुळे आपल्या देशातील कापस दरावर परिणाम होऊ शकतो, अशी चिंता त्यांनी व्यक्त केली. विदर्भ आणि मराठवाड्यातील काही जिल्हे देशातील कापसाचे आगार मानले जातात. देशातील ६३ टक्के कापूस याच भागातून येतो. दुष्काळामुळे कापासाचे पीक निम्म्यावर आल आहे. जे पीक उत्पादन ८ ते १४ क्विंटल येत होते. ते यावर्षी ४ ते ५ क्विंटलपर्यंत, तर जास्तीत जास्त ८ क्विंटल येण्याची शक्यता आहे, असेही त्यांनी सांगितले..३१ ऑक्टोबरपर्यंत सरकारने आयात होणाऱ्या कापसावर आयात शुल्क लावले होते. त्यामुळे भारतीय कापूस महामंडळाने (सीसीआय) जो शेवटचा भाव दिला होता, ती परिस्थिती आता नाही, असेही त्यांनी निदर्शनास आणून दिले. .'शेतकऱ्यांना तुटपुंजी मदत'दुष्काळाचा भाजप आणि त्यांच्या मित्रपक्षाने खेळखंडोबा केला आहे. अजूनपर्यंत शेतकऱ्यांची नोंदणी, सर्व्हे झाला नाही. प्रत्येक शेतकऱ्याला जिओ टॅगिंग करण्यास सांगितले जात आहे.. शेतकऱ्यांना जिओ टॅगिंगचा खर्च ५ हजार रुपये येतो. भाजपची विचारसरणी ही कोणालाच मदत करण्याची नाही. त्यामुळेच त्यांनी दुष्काळात शेतकऱ्यांना केवळ ५ हजारांच्या तुटपुंज्या मदतीचे नाटक केले, असा आरोपही त्यांनी केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.