Jalna News: नैसर्गिक आपत्ती, रोगराई तसेच बेमोसमी व परतीच्या पावसामुळे झालेल्या अतिवृष्टीने अंबड तालुक्यातील शेती क्षेत्राला मोठा फटका बसला आहे. खरीप हंगामात झालेल्या नुकसानीमुळे शेतकरी आधीच आर्थिक संकटात सापडला असताना आता उत्पन्नावरही मर्यादा आल्या आहेत. मात्र, सध्या तालुक्यात शेतशिवारात तुरीची सोंगणी व मळणीची कामे वेगाने सुरू आहेत. त्यामुळे ‘कपाशीचे वाजले, तुरीने साधले’ अशी स्थिती सध्या निर्माण झाली आहे..उत्पन्नाची आशा बाळगत शेतकऱ्यांनी नगदी पीक म्हणून ओळखल्या जाणाऱ्या ‘पांढऱ्या सोन्या’ची म्हणजेच कपाशीची मोठ्या प्रमाणात लागवड केली होती. मात्र, कपाशीवर एक ते दोन वेचणीनंतरच खराटा पडल्याने अपेक्षित उत्पादन मिळाले नाही. कापूस फुटल्यानंतर वेळेत महिला मजूर उपलब्ध न झाल्याने मोठ्या प्रमाणावर कापसाची नासाडी झाली..Tur Farming: शेतकऱ्यांनी तूर पिकाचे अर्थशास्त्र विचारात घ्यावे.अखेर अनेक शेतकऱ्यांनी कपाशीची पिके उखडून टाकत गहू, हरभरा व उसाची लागवड सुरू केली असून या पिकांतून भरघोस उत्पन्न मिळेल, अशी अपेक्षा व्यक्त केली आहे. दरम्यान, कापूस व तुरीला किमान दहा हजार रुपये प्रतिक्विंटल भाव मिळावा, अशी शेतकऱ्यांची मागणी आहे.दिवस-रात्र कष्ट करूनही हमीभाव न मिळाल्याने शेतकऱ्यांचे आर्थिक गणित कोलमडले असून, ते पुन्हा एकदा अडचणीत सापडले आहेत..Tur Farming : अभ्यासातून साधली तुरीची उत्पादकतावाढ.यंदा कपाशीचे हाल झाले, तर दुसरीकडे तुरीचे पीक कधी नव्हे ते यंदा जोमात आले. एकरी आठ ते नऊ क्विंटलचे उत्पन्न मिळाले आहे. बाजारात सध्या सात हजार क्विंटल भाव आहे. शासनाकडून तुरीची किमान दहा हजार रुपये प्रतिक्विंटल दराने खरेदी करणे गरजेचे आहे. तुरीला येणाऱ्या काळात चांगला भाव मिळेल, या पेक्षाने तूर बाजारात विक्री करण्याऐवजी घरात साठवून ठेवली आहे.- विष्णू खाडे, शेतकरी, आलमगाव.सोंगणी केलेल्या तुरीची शेतकरी मळणी यंत्राद्वारे मळणी करत आहे. सध्या एक क्विंटल तूर काढल्यानंतर सात किलो तुरीची मजुरी मिळत आहे. ट्रॅक्टर व मळणी यंत्रातून हाताला रोजगार मिळाला आहे.- परमेश्वर जाधव, ट्रॅक्टर मळणी यंत्रचालक, आलमगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
