Jalgaon News : खानदेशात मजूरटंचाई यंदाच्या खरिपात कायम आहेच. यातच मागील आठवड्यात पूर्वहंगामी किंवा बागायती कापूस पिकात वेचणी सुरू झाली आहे. वेचणीसाठी शेतकऱ्यांना यंदाही मोठा मोबदला द्यावा लागत आहे. २०० रुपये रोज, असे मजुरी दर सध्या आहेत. .मागील हंगामातही अशीच मजुरी होती. तर ऑक्टोबरमध्ये सहा ते सात रुपये प्रतिकिलो या दरात कापसाची वेचणी सुरू झाली होती. सध्या कापूस पिकात बोंडे कमी उमलली आहेत. एका झाडावर एखादे बोंड आहे. यामुळे प्रतिकिलोनुसार कापूस वेचणी मजूर नाकारत आहेत. कारण सध्या यानुसार वेचणी परवडत नाही, असे मजुरांचे म्हणणे आहे. यामुळे २०० रुपये प्रतिरोज यानुसार वेचणी केली जात आहे..Cotton Farming Tips : कापसाची उत्पादकता वाढण्याचा प्राथमिक अंदाज.सध्या सकाळी आठ ते दोन या कालावधीत कामासाठी २०० रुपये रोज, अशी मजुरी घेतली जात आहे. तर सकाळी नऊ ते दुपारी चार यादरम्यान कामासाठी २५० रुपये रोज, अशी मजुरी काही गावांत शेतकरी देत आहेत. या कालावधीत जेवण व पाणी पिण्यासाठी काही वेळ अवकाशही असतो..मागील वर्षीदेखील एवढीच मजुरी होती. मागील वर्षी कापूस दरांबाबत हवा तयार करण्यात आली होती. दोन वर्षांपूर्वी काही जिनींग प्रेसिंग कारखानदार, व्यापारी, दलालांनी दोन-पाच किलो कापसाची ११ हजार, ११ हजार ९०० रुपये प्रतिक्विंटल या दरानुसार खरेदी करून प्रसिद्धी मिळविली होती. .Cotton Farming: योग्य व्यवस्थापनामुळे कोरडवाहू क्षेत्रातूनही उत्तम उत्पादन.यामुळे मजुरी दर मागील वर्षी १५ ते २० टक्के वाढले. शिवाय मजूरटंचाई कायम होती. यंदाही मागील वर्षीचे मजुरीदर कायम आहेत. पण हे मजुरी दर कापसाला सात हजार रुपये प्रतिक्विंटलचा दर असतानाही परवडत नाहीत, असा मुद्दा शेतकरी उपस्थित करीत आहेत.पावसाने नुकसानीची भीतीसध्या कापसात मध्यंतरी झालेला पाऊस आणि ढगाळ वातावरण यामुळे बोंडे उमलण्याची प्रक्रिया रखडत सुरू आहे. बोंडे अधिकचे उमलत नसल्याने प्रतिकिलोनुसार मजुरी दर कुठेही दिले जात नसल्याची माहिती आहे. निरभ्र वातावरण राहिल्यास यंदाही पुढील १० ते १२ दिवसात कापूस पिकात बोंडे अधिक संख्येने उमटल्यानंतर प्रतिकिलोनुसार कापूस वेचणीला मजूर तयार होतील. .जळगाव जिल्ह्यातील चोपडा, जामनेर, जळगाव, धरणगाव, धुळ्यातील शिरपूर, नंदुरबारातील नंदुरबार, तळोदा तालुक्यात कापूस वेचणी काही भागात सुरू आहे. मे अखेरीस लागवड केलेल्या पूर्वहंगामी कापूस पिकात ही वेचणी सुरू आहे..मागील वर्षी कापूस वेचणीचे जे दर होते, तेच दर यंदा आहेत. मागील वर्षी कापसाला सरासरी ६६०० रुपये दर होता. यंदाही अशीच स्थिती राहील, असे दिसते. कापसाचा उत्पादन खर्च वाढत आहे. सध्या वेचणी अल्प भागात किंवा मोजक्याच शेतकऱ्यांकडे सुरू आहे.- देवेंद्र पाटील, शेतकरी, चोपडा जि. जळगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
