Jalgaon News: खानदेशात दिवाळी सण तोंडावर असतानाच कापूस वेचणीची लगबग सुरू आहे. मजुरीदर २०० रुपये रोज व सहा ते सात रुपये प्रतिकिलो, असे स्थिर असून, मजूरटंचाई मात्र कायम आहे. सततच्या पावसाने कापूस पिकाची हानी झाली आहे..दिवाळीपूर्वी वेचणी करून घेण्याची लगबग शेतकरी करीत आहेत. कापसाचे दर यंदाही अस्थिर आहेत. यामुळे शेतकऱ्यांत नाराजी आहे. मागील हंगामातही दर कमी होते. मागील वेळेस सरासरी साडेसहा हजार रुपये प्रतिक्विंटलचा दर शेतकऱ्यांना मिळाला..Cotton Harvesting: साथ लाभावी यंत्रमानवाची!.यंदाही अशीच स्थिती आहे. परंतु मजुरी दर २०२१ मध्ये दुप्पट झाले. ते दर तसेच आहेत. कारण २०२१ मध्ये काही किंवा मोजक्या शेतकऱ्यांना आठ ते साडेआठ हजार रुपये प्रति क्विंटलचा दर मिळाला होता. पुढेही कापूस दर वाढतील, दर नऊ ते १० हजार रुपये असे मिळतील, अशी अपेक्षा शेतकऱ्यांना होती..यातच कापसाला चांगले दर असल्याचे हेरत मजुरांनी दरांसाठी शेतकऱ्यांची कोंडी केली व मजुरी दर वाढवून घेतले. २०२१ मध्ये कापूस वेचणीचे दर दुप्पट झाले. एक किलो कापूस वेचणीसाठी सहा ते सात रुपये द्यावे लागत होते. अशीच स्थिती आताही आहे..Cotton Harvesting : शेतकऱ्यांनी जाणले शास्त्रोक्त कापूस वेचणीचे तंत्रज्ञान.रोज किंवा प्रति किलोनुसार वेचणीचे गणितकापूस वेचणीसाठी सध्या सहा ते सात रुपये प्रति किलोचे दर आहेत. तर जेथे कापूस वेचणीला कमी आहे किंवा बोंडे कमी उमलली आहेत, तेथे मजूर २०० रुपये रोज, अशी मजुरी घेत आहेत. सकाळी आठ ते दुपारी अडीच या कालावधीत कापूस वेचणीसाठी ही मजुरी आहे..मजूर आणण्याची धावपळमजूरटंचाई मात्र कायम आहे. गावात मजुरसंख्या कमी आहे. यामुळे अनेक कापूस उत्पादक नजीकच्या मोठ्या गावांतून मजूर आणत आहेत. यात मजुरांची वाहनातून ने आण करावी लागते. यासाठीचे वाहतूक भाडे शेतकऱ्यांना द्यावे लागत आहे. एकाच वेळी अनेक शेतकऱ्यांच्या शेतात कापूस वेचणीवर आला आहे..यात दसरा व लागलीच दिवाळी सण आला आहे. या सणांच्या कालावधीत कामकाज बंद ठेवण्याची वेळ आहे. यामुळे शेतकऱ्यांची मोठी धावपळ होत आहे. आपल्या क्षेत्रातील कापसाची वेचणी एक-दोन दिवसांतच पूर्ण व्हावी, असा प्रयत्न शेतकरी करीत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
