Amravati News: जिल्ह्यात कापूस वेचणाला आला असून मजूर उपलब्ध होत नसल्याने शेतकऱ्यांची चिंता वाढली आहे. परतीच्या पावसाने खरिपाच्या हंगामातील अर्धे पीक वाया गेले असतानाच आता हे संकट उभे ठाकल्याने शेतकरी खंतावले आहेत. .हवामान खात्याने यावर्षी पाऊस चांगला होण्याचे संकेत दिले होते. त्यामुळे खरिपाच्या नियोजनात तालुक्यातील शेतकऱ्यांनी अधिक उत्पादकता व चांगला दर या अपेक्षेने कपाशीच्या लागवड क्षेत्रात वाढ केली होती. आसेगाव परिसरात कपाशीचा पेरा दरवर्षीपेक्षा यंदा जास्त प्रमाणात करण्यात आला. त्यापेक्षा कमी प्रमाणात असलेले सोयाबीन, उडीद, मूग आदी पिके परतीच्या पावसाने शेतकऱ्यांच्या डोळ्यांसमोरच उद्ध्वस्त झाली. काही प्रमाणात कापूस शेतात शिल्लक राहिला असतानाच वेचणीला मजूरच मिळत नसल्याने शेतकरी हतबल झाला आहे..Cotton Harvest Wage: कापूस वेचणी मजुरी दर पोहोचला ११ रुपये किलोवर.कपाशीची वेचणी केली नाही तर प्रतवारी खराब होते. याचा प्रत्यक्ष परिणाम कापसाच्या भावावर होऊन शेतकऱ्यांच्या हातात अपेक्षित उत्पन्न मिळण्याची शक्यता नसते. अशावेळी पैसे देऊनसुद्धा मजूर मिळत नसल्याने शेतकरी मेटाकुटीला आला आहे. गतवर्षी आठ ते दहा रुपये प्रतिकिलो दराने वेचणी झाली. यंदा मात्र दहा ते बारा रुपये प्रति किलो दराची मागणी करण्यात येत आहे. तसेच, दर दबावात असल्याने दुहेरी मार सोसावा लागत आहे..Cotton Picking Wages: खानदेशात कापूस वेचणी मजुरीदर स्थिर.मजुरांची पळवापळवीज्या गावात मजूर वर्ग आहे, त्या गावात इतर गावांतील शेतकरी जाऊन कापूस वेचणीसाठी जास्तीचा भाव देऊन त्या गावातील मजूर सकाळीच टेम्पोद्वारे घेऊन जातात. त्यामुळे स्थानिक शेतकऱ्यांचा कापूस तसाच राहत असल्याने शेतकऱ्यांमध्ये वाद होत असल्याचे चित्र आहे..पंधरा दिवसांपासून कापूस वेचणीसाठी गावातील मजुरांना विनंती करीत आहे. मात्र, मजूर मिळत नसल्याने कुटुंबातील लहान-मोठ्यांसह सर्वच सदस्यांना कापूस वेचणी करावी लागत आहे.-राजू डाक्रम शेतकरी, टाकरखेडापूर्णा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
