Chh. Sambhajinagar News : मराठवाड्यातील छत्रपती संभाजीनगर, जालना व बीड या तीन जिल्ह्यांतील सर्वसाधारण क्षेत्राच्या तुलनेत कपाशीचे क्षेत्र सुमारे २२ टक्क्यांनी घटले आहे. दुसरीकडे या घटनेच्या क्षेत्रावर नैसर्गिक आपत्तीही ओढावली आहे. यामुळे उत्पादन गणितही कोलमडण्याची शक्यता नाकारता येत नाही..मराठवाड्यातील छत्रपती संभाजीनगर, जालना व बीड हे कपाशी उत्पादक जिल्हे म्हणून ओळखले जातात. या भागांत कपाशीचे सर्वसाधारण क्षेत्र १० लाख ३४ हजार ७४८.२८ हेक्टर असताना प्रत्यक्षात सुमारे ८ लाख १० हजार ५३८ हेक्टरवरच यंदा कपाशीची लागवड झाली आहे. .Cotton Sowing : कोरडवाहू क्षेत्रातील कापूस पिकाला पावसाची गरज.जी सर्वसाधारण क्षेत्राच्या तुलनेत सुमारे ७८.३३ टक्के इतकीच आहे. घटलेली लागवड कपाशी उत्पादक जिल्ह्यातील उत्पादन गणित बिघडविणार हे स्पष्ट आहे. मिळालेल्या माहितीनुसार, छत्रपती संभाजीनगर जिल्ह्यात सुमारे २८ टक्क्यांपर्यंत कपाशीचे क्षेत्र घटले आहे. .Cotton Sowing : मराठवाड्यातील तीन जिल्ह्यांत २२ टक्के कपाशी क्षेत्र घटले .छत्रपती संभाजीनगर जिल्ह्यातील गंगापूर, वैजापूर, कन्नड, खुलताबाद, फुलंब्री, सिल्लोड आदी तालुक्यांत क्षेत्र घटीमुळे कपाशीची जागा मका पिकाने घेतली आहे. यापैकी जालना जिल्ह्यात हे प्रमाण सुमारे २३ टक्क्यांपर्यंत, तर बीड जिल्ह्यात २४ टक्क्यांपर्यंत क्षेत्र घटण्याचे प्रमाण आहे. त्यात आकस्मिक मर सोबतच इतरही कीड रोगांचे संकट कपाशीच्या मुळावर उठली आहेत..जिल्हानिहाय कपाशीचे सर्वसाधारण प्रत्यक्ष पेरणी क्षेत्र (हेक्टरमध्ये)जिल्हा सर्वसाधारण क्षेत्र प्रत्यक्ष पेरणीछ.संभाजीनगर ३,८८,५३३.३१ २,८१,३०४जालना ३,२३,३२५.६६ २,८२,८७०बीड ३,२३,८८९.३१ २,४६,३६४.आमच्या शिवारात कपाशीचे क्षेत्र सुमारे २५ टक्क्यांपेक्षा जास्त घटले आहे. आताच्या घडीला थ्रीप्सचा प्रादुर्भाव वाढला आहे. पोषक नसलेले वातावरण पाहता यंदा उत्पादनात फटका बसण्याची शक्यता आहे.- दौलत खंबाट, कपाशी उत्पादक, तिडका, ता. सोयगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
