Vashim News: नवी दिल्ली येथील भारतीय कृषी संशोधन संस्था तसेच नागपूर येथील केंद्रीय कापूस संशोधन संस्था यांच्या सहकार्याने आणि वाशीम कृषी विज्ञान केंद्रामार्फत विशेष कापूस पीक प्रकल्पांतर्गत ‘कापूस पीक कृषी मेळावा’ शुक्रवारी (ता. १३) कारंजालाड येथे उत्साहात पार पडला..कार्यक्रमाचे उद्घाटन कृषी बाजार समितीचे माजी उपसभापती डॉ. अशोक मुंदे यांच्या हस्ते झाले. अध्यक्षस्थानी कृषी विज्ञान केंद्राचे अध्यक्ष, माजी मंत्री तथा माजी खासदार अनंतराव देशमुख होते. प्रमुख पाहुणे म्हणून माजी जिल्हा परिषद अध्यक्षा ज्योतीताई गणेशपुरे आणि प्रयोगशील शेतकरी विजय काळे उपस्थित होते..Wild Vegetables Fair : सातपुड्याच्या पायथ्याशी रंगतोय सालईबन रानभाजी महोत्सव.मार्गदर्शक म्हणून कृषी विज्ञान केंद्राचे वरिष्ठ शास्त्रज्ञ व प्रमुख डॉ. रवींद्र काळे, वाशीम कृषी संशोधन केंद्राचे प्रभारी शास्त्रज्ञ डॉ. बी. डी. गीते, कृषी विज्ञान केंद्राचे तज्ज्ञ राजेश डवरे, तुषार देशमुख, तालुका कृषी अधिकारी अश्विनी भोसले तसेच माविमचे व्यवस्थापक शेखर खोडके व अंकुश जाधव उपस्थित होते..प्रास्ताविकात डॉ. रवींद्र काळे यांनी विशेष कापूस प्रकल्पातील अतिघनता लागवड, एकात्मिक पोषण व कीड व्यवस्थापन, सुधारित वाणांचा वापर आणि यांत्रिकीकरणामुळे उत्पादन खर्चात बचत होऊन प्रति हेक्टर उत्पादन व निव्वळ उत्पन्नात वाढ झाल्याचे स्पष्ट केले..डॉ. अशोक मुंदे यांनी तालुक्यात उपकेंद्र स्थापन करण्याची गरज व्यक्त केली. अध्यक्षीय भाषणात अनंतराव देशमुख यांनी आधुनिक तंत्रज्ञान, मूल्यवर्धन व शाश्वत शेतीद्वारे उत्पन्नवाढीचे आवाहन केले. ज्योतीताई गणेशपुरे यांनी महिला शेतकरी सक्षमीकरणावर भर दिला. विजय काळे यांनी कृषी विज्ञान केंद्राचा विस्तार तालुकास्तरावर व्हावा, अशी अपेक्षा व्यक्त केली. तांत्रिक सत्रात तुषार देशमुख, राजेश डवरे, आश्विनी भोसले व अंकुश जाधव यांनी विविध विषयांवर मार्गदर्शन केले. शेतकरी रितेश पांढर यांनी सघन कापूस लागवडीचे अनुभव सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
