Aalephata News: विदर्भ व मराठवाड्यात घेतले जाणारे पीक म्हणजे कापूस. या ‘पांढऱ्या सोन्या’च्या लागवडीकडे आता जुन्नर तालुक्याच्या पूर्व भागातील राजुरी, जाधववाडी, बोरी बुद्रुक, बोरी खुर्दमधील शेतकऱ्यांचा कल वाढत चालला आहे. यामुळे या गावांत सुमारे ८० ते ९० हेक्टरपर्यंत कापूस पिकाची लागवड करण्यात आली आहे..तालुक्यात कापसासाठी चांगले वातावरण आहे. यंदा चांगला पाऊस झाला असल्याने पीक जोमात बहरले आहे. कापसाच्या पिकाला इतर पिकांपेक्षा कमी मशागत करावी लागते. आवश्यकतेनुसार तीन-चार वेळा फवारणी केली जाते. तरकारी पिकांना शेतकऱ्यांना खूप मेहनत करावी लागते..Cotton Farming: योग्य व्यवस्थापनामुळे कोरडवाहू क्षेत्रातूनही उत्तम उत्पादन.तसेच त्याला भाव कधी कमी, तर कधी जास्त मिळतो. त्या पार्श्वभूमीवर कापसाची शेती फायदेशीर ठरत आहे. या परिसरातील अनेक शेतकरी गेल्या ४ ते ५ वर्षांपासून कापसाचे पीक आपल्या शेतात घेत आहेत. कापूस काढल्यानंतर शेतात दुसरे पीकदेखील घेता येते..Cotton Farming Tips : कापसाची उत्पादकता वाढण्याचा प्राथमिक अंदाज.गेल्या वर्षी ७० ते ७५ रुपये बाजारभाव मिळाला होता. जुन्नरमध्ये कापसास पोषक हवामान आहे. कोणत्याही किडीरोगाचा प्रादुर्भाव जास्त होत नाही. त्यामुळे कीटकनाशकावर होणारा खर्च कमी होतो..तसेच उसाला पर्याय म्हणून कमी महिन्यात जास्त नफा देणारे हे पीक आहे. तसेच कापूस विकण्यासाठी साकोरीत येथे बाजारपेठ आहेत. यामुळे कापूस शेती शेतकऱ्यांना फायद्याची ठरत असल्याने तालुक्यातील शेतकऱ्यांचा ‘पांढऱ्या सोन्या’कडे कल वाढला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
