Amravati News: शासनाच्या खरेदी केंद्रावर मका विकूनही मेळघाटातील आदिवासी शेतकऱ्यांच्या खात्यात आजवर एक रुपयाही जमा झालेला नाही. तब्बल दोन महिने उलटून गेले तरी चुकारे न मिळाल्याने शेतकरी हवालदिल झाला आहे. प्रशासनाच्या ढिसाळ कारभारामुळे शेतकऱ्यांमध्ये तीव्र संताप उसळला असून, ‘‘शासन फक्त आश्वासनांचे ढोल वाजवत आहे,’’ असा आरोप होत आहे..मेळघाट व अचलपूर परिसरातील आदिवासी व इतर शेतकऱ्यांनी शासनाच्या खरेदी केंद्रावर मका दिला. नियमानुसार ठरावीक कालावधीत पैसे मिळणे अपेक्षित असताना दोन महिने लोटूनही एक पैसाही मिळालेला नाही. त्यामुळे कर्जबाजारीपणाचा फास आणखी आवळला असून, दैनंदिन खर्च, मुलांचे शिक्षण, शेतीसाठी लागणाऱ्या निविष्ठा यासाठी पैशाची सोय म्हणून शेतकरी वणवण फिरत आहेत..Maize Crop Issue : मक्याला आले मोड; सांगा कशी होईल दिवाळी गोड?.हक्काची रक्क्म मिळत नसल्याने या भागातील शेतकरी मोठ्या आर्थिक अडचणीत सापडला आहे. प्रत्येक शेतकरी रक्क्म कधी मिळणार, असे विचारत आहे. बँकांचे कर्ज, सावकारांचे व्याज, घरखर्च याचा भार असताना शासनाची ही दिरंगाई म्हणजे शेतकऱ्यांवर अन्यायच आहे. या गंभीर परिस्थितीकडे प्रशासन जाणीवपूर्वक डोळेझाक करत असल्याचा आरोप होत आहे. संबंधित विभाग, जिल्हा प्रशासन आणि आदिवासी विकास विभागाकडून केवळ आश्वासनांवर आश्वासने दिली जात आहेत..Farmer Issues: पुसद बाजार समिती केंद्रावर शेतकऱ्यांची लूट .प्रत्यक्षात मात्र खात्यावर पैसे जमा करण्याबाबत कोणतीही ठोस कार्यवाही दिसत नाही. शेतकऱ्यांचा सवाल आहे, की आम्ही आमचा माल शासनाला दिला. मग आमचे पैसे देण्यास इतका उशीर का? प्रशासनाच्या दिरंगाईमुळे शेतकरी रस्त्यावर उतरण्याची भाषा करू लागले आहेत. वेळेत चुकारे न दिल्यास आंदोलनाचा इशारा देण्यात आला आहे..मुख्यमंत्र्यांपर्यंत तक्रारीया प्रश्नाकडे लक्ष वेधण्यासाठी मेळघाटातील सामाजिक कार्यकर्ते व ग्रामसभा सदस्यांनी थेट मुख्यमंत्र्यांसह राज्यपाल, मुख्य सचिव व संबंधित वरिष्ठ अधिकाऱ्यांना पत्रे पाठवली आहेत. तरीही शासन खरेदी सुरू करूनही चुकारे देण्यास टाळाटाळ करत असल्याने संताप आणखी वाढला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
