Copper Theft Hits Farmers: तांब्याच्या किमतीने आंतराष्ट्रीय बाजारासह देशांतर्गत बाजारातही उच्चांकी पातळी गाठली आहे. त्याचा थेट ‘शॉक’ पश्चिम महाराष्ट्रातील शेतकऱ्यांना बसत आहे. तांब्याच्या हव्यासापोटी चोरट्यांनी आता थेट शेतकऱ्यांच्या बांधावर डल्ला मारण्यास सुरुवात केली असून, त्यांनी महागड्या कृषिपंप केबल चोरीचा अक्षरशः सपाटा लावला आहे. .कडक उन्हाळ्यामुळे पिकांना पाणी देण्याची लगबग सुरू असतानाच, रात्रीतून केबल गायब होत असल्याने ऐन हंगामात शेतकरी संकटाच्या गर्तेत सापडला आहे. गेल्या काही महिन्यांपासून तांब्याच्या दरात मोठी उलथापालथ होत आहे. जागतिक बाजारात तांब्याचे दर प्रति टन ८,५०० ते ९,५०० डॉलरवर जाऊन ठेपले आहेत..Agriculture Theft: बोरगाव येथे सौर कृषी वाहिनी प्रकल्पातील वायर, साहित्याची चोरी.याचाच परिणाम म्हणून भारतीय घाऊक बाजारात तांब्याला ७५० ते ९०० रुपये किलोचा दर मिळत आहे. तसेच, भंगार बाजारातही ६०० ते १ हजार रुपयांपर्यंत दर मिळत आहे. कृषिपंप केबल्समध्ये उच्च दर्जाचे तांबे असते. याच दराच्या लालसेपोटी ग्रामीण भागातील गुन्हेगारीने डोके वर काढले आहे..Solar Pump Theft: गेवराई तालुक्यात सोलर पंपांच्या चोरींचे प्रमाण वाढले.पश्चिम महाराष्ट्रातील समृद्ध सिंचन पट्ट्यात कृषिपंपांचे जाळे मोठे आहे. त्यामुळेच इथे चोरट्यांचा सुळसुळाटही अधिक आहे. अवघ्या काही मिनिटांच्या धाडसात हे चोरटे हजारो रुपये खिशात घालत आहेत. तर दुसरीकडे नवी केबल घेण्यासाठी आम्हाला खिशातून हजारो रुपये मोजावे लागत आहेत. केबल नसल्याने पाणी बंद पडून हातातोंडाशी आलेली पिके उन्हात करपू लागली आहेत, अशी व्यथा शेतकरी मांडत आहेत..रात्रीच्या वेळी शेताशिवारात गस्त घालण्याचे दावे पोलिस प्रशासनाकडून केले जातात. मात्र, प्रत्यक्षात चित्र वेगळेच आहे. पोलिसांना केबलचोरांचा माग का लागत नाही, असा सवाल शेतकऱ्यांकडून विचारण्यात येत आहे. अनेक शेतकऱ्यांनी आता स्वतःच पुढाकार घेऊन गस्त घालण्यास सुरुवात केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
