Whitefly Control: सोयाबीनचे पीक चांगले वाढत असताना अचानक पिवळे पडू लागले असेल, तर पिकात पिवळा मोझॅक रोगाचा प्रादुर्भाव झाला असण्याची शक्यता आहे. हा रोग साधारणपणे पेरणीनंतर २५ ते ३० दिवसांनी दिसून येतो. विशेषतः फुलोऱ्यापूर्वी रोगाचा प्रादुर्भाव झाल्यास उत्पादनात मोठी घट होऊ शकते. त्यामुळे रोगाची लक्षणे दिसताच वेळीच उपाययोजना करणे गरजेचे आहे..पिवळा मोझॅकची लक्षणेपिवळा मोझॅक झालेल्या झाडांच्या पानांवर काही भाग हिरवा तर काही भाग पिवळसर दिसतो. शेंड्याकडील पाने पिवळी पडून आकाराने लहान होतात. त्यामुळे अशी झाडे शेतात दुरूनही सहज ओळखता येतात..Soybean Crop Disease Management: सोयाबीन पीक पिवळे पडण्यावरील उपाययोजना.नुकसानरोगामुळे पानांमधील हरितद्रव्य कमी होते. परिणामी अन्ननिर्मितीच्या प्रक्रियेत अडथळा येतो. झाडाची वाढ खुंटते. शेंगा लहान राहतात आणि त्यामध्ये दाण्यांची संख्या कमी होऊ शकते. त्यामुळे उत्पादनावर परिणाम होतो..रोगाचा प्रसारपिवळा मोझॅक रोग येलो मोझॅक विषाणूमुळे होतो. या विषाणूचा प्रसार मुख्यतः पांढऱ्या माशीमार्फत होतो. त्यामुळे रोगाचे व्यवस्थापन करताना पांढऱ्या माशीचे नियंत्रण करणे महत्त्वाचे आहे..Soybean Pest Management: कीडरोगमुक्त सोयाबीनसाठी करा सोपे उपाय .प्रतिबंधात्मक उपायसोयाबीनची पेरणी वेळेत करणे हा प्रतिबंधात्मक उपाय आहे. जूनच्या तिसऱ्या आठवड्यापासून जुलैच्या दुसऱ्या आठवड्यापर्यंत पेरणी पूर्ण करण्याचा सल्ला देण्यात आला आहे.पिकाला खत देताना संतुलित खत व्यवस्थापन करावे. विशेषतः नत्रयुक्त खताचा अतिरेक टाळावा. नत्राचे प्रमाण जास्त झाल्यास रसशोषक किडींचा प्रादुर्भाव वाढण्याची शक्यता असते..शेतातील तसेच बांधावरील तणांचे नियंत्रण करावे. तणांमुळे विषाणू आणि त्याच्या प्रसार करणाऱ्या किडींना आश्रय मिळू शकतो. पेरणीनंतर २० ते ३५ दिवसांनी ५ टक्के निंबोळी अर्काची फवारणी करावी.प्रादुर्भाव दिसताच..पिकात पिवळा मोझॅकची लक्षणे दिसल्यानंतर रोगग्रस्त झाडे उपटून शेताबाहेर नष्ट करावीत. तसेच पांढऱ्या माशीच्या नियंत्रणासाठी प्रति हेक्टरी २२ ते २३ पिवळे चिकट सापळे लावावेत..प्रादुर्भाव वाढल्यास फवारणी?पांढरी माशी आणि इतर रसशोषक किडींचा प्रादुर्भाव जास्त असल्यास,बीटा सायफ्लुथ्रीन ८.४९ टक्के अधिक इमिडाक्लोप्रिड १९.८१ टक्के या संयुक्त कीटकनाशकाची ०.७ मिलि प्रति लिटर पाणी किंवा थायमेथोक्झाम अधिक लॅम्बडा सायलोथ्रीन याची ०.२५ मिलि प्रति लिटर पाणी किंवा क्लोरअॅन्ट्रानिलीप्रोल ९.३० टक्के अधिक लॅम्बडा सायलोथ्रीन ४.६० टक्के याची ०.४ मिलि प्रति लिटर पाणी यापैकी कोणत्याही एका संयुक्त कीटकनाशकाची फवारणी करण्याचा सल्ला प्रादेशिक संशोधन केंद्रातील अखिल भारतीय समन्वयित सोयाबीन प्रकल्पाचे सहायक प्रा. राजीव घावडे यांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
