Akola News : सततच्या पावसामुळे पिकांची मशागत व फवारणी करणे अशक्य झाले असून, यामुळे सोयाबीन पिकावर विविध रोग व किडींचा प्रादुर्भाव मोठ्या प्रमाणात वाढला आहे. विशेषत: लष्करी अळी व इतर अळ्यांसह सोयाबीनवरील ‘येलो मोझॅक’ या रोगाने शेतकऱ्यांना मोठ्या संकटात टाकले आहे. .या पार्श्वभूमीवर अकोला तालुका कृषी विभागाच्या वतीने शास्त्रज्ञ व अधिकाऱ्यांनी बोरगाव मंजू परिसरातील शेतकऱ्यांच्या शेतांवर प्रत्यक्ष पाहणी करून मार्गदर्शन केले..Soybean Yellow Mosaic : सोयाबीनवर येलो मोझॅकचा प्रादुर्भाव.जिल्हा अधीक्षक कृषी अधिकारी शंकर किरवे, अकोला तालुका कृषी अधिकारी विलास वाशीमकर, डॉ. पंजाबराव देशमुख कृषी विद्यापीठाचे सहयोगी प्राध्यापक डॉ. प्रकाश घाटोळ, डॉ. श्रीकांत ब्राम्हणकर, डॉ. पी. के. राठोड, उपकृषी अधिकारी मनीषा जोशी, सहायक कृषी अधिकारी संजय जाधव व अजय देशमुख आदींनी गुरुवारी (ता. ४) या पाहणी मोहिमेत सहभाग घेतला..Soybean Yellow Mosaic: सोयाबीनवरील पिवळा मोझाईकचे सोप्या पद्धतीने व्यवस्थापन.या भागात १६ ऑगस्टपासून सतत पाऊस होत आहे. त्यामुळे सोयाबीन आणि कपाशीसारखी खरीप पिके पाण्याखाली गेली आहेत. परिणामी शेतकरी फवारण्या व मशागत करू शकलेले नाहीत आणि रोगांचा प्रादुर्भाव झपाट्याने वाढला. .सोयाबीन पिवळे पडणे, येलो मोझॅक तसेच बुरशीजन्य रोगांनी शेतकरी हवालदिल झाला असून उत्पादनावर मोठा परिणाम दिसून येत आहे. कृषी विभागाच्या तज्ज्ञांनी अन्, मिर्झापूर, राजापूर, पैलपाडा व परिसरातील शेतकऱ्यांच्या शेतांवर भेट देऊन परिस्थितीची पाहणी केली..शेतकऱ्यांना रोगनियंत्रणासाठी उपाययोजना, योग्य फवारण्या व पीकसंवर्धनाविषयी मार्गदर्शन केले. या वेळी परिसरातील शेतकरी मोठ्या संख्येने उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
