Solapur News : सततच्या पावसाचा जिल्ह्यात कांदा पिकाला मोठा फटका बसला आहे. शेतात साचलेल्या पाण्यासह रोगराई, किडीमुळे मोठ्या प्रमाणात पीक गेले आहे. यंदा चांगला पाऊस पडल्याने आर्थिक जुळवाजुळव करून कांद्याची लागवड केलेला शेतकरी पावसामुळे अडचणीत आला आहे. तर उघडीप न मिळाल्याने लागवडीलाही अडचण येत आहे. त्यामुळे यंदा कांद्याच्या उत्पादनातही घट होणार आहे. .यं दा खरिपात जिल्ह्यात ऑगस्टअखेर ३७ हजार हेक्टरवर कांद्याची लागवड झाली आहे. यंदा लवकर व चांगल्या पावसामुळे शेतकऱ्यांनी खरिपात लवकर कांद्याची पेरणी, रोपे लागवडीवर भर दिला. तर अजूनही कांद्याची लागवड सुरू आहे. मात्र, चालू महिन्यात १५ दिवसांपासून सतत पडणाऱ्या पावसामुळे शेतात साचलेल्या पाण्यामुळे लवकर लागवड झालेला कांदा पिवळा पडून कुजला आहे..Crop Damage Survey : पिकांचे पंचनामे पर्जन्यमापकाच्या भरोसे.तर पाणी न साचलेल्या ठिकाणचा कांदा करपा रोगासह किडीला बळी पडला आहे. चालू महिन्यात पेरणी झालेल्या कांद्याला मोठा फटका बसला असून अनेक ठिकाणी बियाणांची उगवण न झाल्याच्या, उगवलेले पीक करपल्याच्या तक्रारी आहेत..Rain Crop Damage : अतिवृष्टीने हिरावला शेतकऱ्यांच्या तोंडचा घास.पावसापासून बचावासाठी फवारणीसततच्या पावसापासून कांदा पिकाच्या बचावासाठी सव्वा मिली प्रिपोलिन, दीड मिली प्रोपिकोन्या झोल व अर्धा मिली स्टिकर २०० लिटर पाण्यात मिसळून फवारणी करावी, असे आवाहन तज्ज्ञांनी केले आहे. पाऊस फवारणीलाही उसंत देताना दिसत नाही. तसेच फवारणीचा खर्च वाढल्याने शेतकऱ्यांना आर्थिक फटकाही बसू लागला आहे..पावसाने कांदा पिकांचे झालेले नुकसानवाढ चांगली असलेले पीक पडले पिवळे, जळालेरोगराई, किडीचा मोठा प्रादुर्भावशेतात साचलेल्या पाण्यामुळे बियाणांची उगवणच नाहीमुळे काम करत नसल्याने पिकांची वाढ खुंटलीलागवडीसाठी तयार केलेली रोपेही जळालीलागवडीसाठी रोपांची टंचाई.पावसामुळे कांद्यावर करपा रोग, किडीचा प्रादुर्भाव झाला आहे. पाती वेड्यावाकड्या होऊन पिवळ्या पडल्या आहेत. नवीन रोपे मरण्याचे प्रमाण अधिक आहे. सततच्या पावसामुळे फवारणीवर भर देणे आवश्यक आहे. यंदा कांद्याच्या उत्पादनात घट होईल.- डॉ. लालासाहेब तांबडे, मुख्य व वरिष्ठ शास्त्रज्ञ, कृषी विज्ञान केंद्र, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
