Parbhani News : परभणी व हिंगोली तब्बल आठवडाभरापासून पाऊस सुरू आहे. मुगाच्या सुगीसाठी आवश्यक उघडीप नसल्यामुळे शेतकऱ्यांच्या अडचणी वाढल्या आहेत. सततच्या पावसात भिजल्यामुळे परिपक्व झालेल्या शेंगांना कोंब फुटले असून मूग डागील झाले आहेत..खरीप हंगामात ६५ ते ७० दिवसांच्या कालावधीत येणाऱ्या मुगाचे पीक किफायतशीर आहे. परंतु परभणी व हिंगोली जिल्ह्यांत अलीकडील काही वर्षांत मुगाचे पेरणी क्षेत्र विविध कारणांनी कमी झाले आहे. अनेक शेतकरी १ ते २ एकर क्षेत्रावर पेरणी करत आहेत. .Rain Crop Damage: मराठवाड्यात ३ लाख ५८ हजार हेक्टरवरील पिकांना फटका.सलग पेरणी करण्यापेक्षा अल्पभूधारक शेतकरी कपाशी, हळद आदी पिकांमध्ये मुगाचे आंतरपीक घेत आहेत. यंदा (२०२५) खरिपात परभणी जिल्ह्यात सरासरी क्षेत्र १७ हजार ६०० हेक्टर असताना ५ हजार ६२४ हेक्टर (३१.९६ टक्के), तर हिंगोली जिल्ह्यात सरासरी क्षेत्र ७ हजार ७८० हेक्टर असताना ४ हजार २८० हेक्टर (५५.०२ टक्के) मुगाची पेरणी झाली आहे. .जूनच्या पहिल्या आठवड्यात पेरणी केलेले मुगाच्या शेंगा परिपरिपक्व झाल्या आहेत. काढणीच्या अवस्थेत आहेत. काही भागांतील शेतकऱ्यांनी मुगाचा तोडा सुरू केला होता. परंतु या ोन जिल्ह्यांत गुरुवार (ता.१४)पासून आजवर दररोज हलका ते मुसळधार पाऊस सुरू आहे. .Rain Crop Damage: नुकसान आणखी वाढणार; शेतकऱ्यांची मदतीची मागणी .अतिवृष्टीमुळे नाले, नद्या काठच्या जमीनी खरडून गेल्याने मुगाचे पीक वाहून गेले. सखल भागातील जमिनीमध्ये पाणी साचून राहिल्याने तसेच पाऊस सुरू असल्याने परिपक्व झालेल्या शेंगातील मुगांना कोंब फुटले आहेत. शेंगामधील मूग डागील झाले आहेत..त्यामुळे बाजारभाव देखील कमी मिळतील. पाण्याचा निचरा होत नाही. चिखलात पाय बुडत आहेत. मुगाच्या शेंगाचा तोडा करता येत नाही. चिखल, पाण्यामुळे मजूर शेंगा तोडण्यासाठी येण्यास राजी नाहीत. त्यामुळे मूग उत्पादक शेतकऱ्यांच्या अडचणी वाढल्या आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
